O moomooga o soo se matua I a latou fanau ina ia mafai ona taunuu ma le manuia taumafaiga ma tauiviga a a latou mo so latou lumanai manuia.

O le manatu faaalia lea o le tama ia Talavou Tafilinuu, 52 tausaga le matua mai le afioaga o Falelauniu-tai ma Asga,Savaii. Ua tele tausaga o nonofo le tama ma le aiga I Savaii ae o le sailia lava o le lumanai manuia o fanau o le ala lea ua ia manatu ai o lea omai ai I Apia mo le sailiiga o se lumanai manuia o le fanau.

“O lo’u naunautaiga ina ia manuia aoga a le fanau ina ia aua nei ola faalolo aemaise ai lava ina Ia mafai e latou lava ona atia’e o latou lava aiga ae aua le ola faalagolago” olana tala lea I le Fofoga o Samoa.

Na maua atu e le Fofoga o Samoa le tama o lo’o agai e faatali lana fanau aoga, o le tama e toavalu lana fanau, ma o le toalima o lo’o ao’oga ma le toalua ua agai nei I Niu Sila mo se sailiiga manuia o aiga ma I latou lava.

“O le numera e le taua ia au, pau le tulaga o le faafetai i le Atua I lana foai mo le matou aiga e ui lava ina toatele pe a faatusa atu i lo’u aiga ae e le tuua ai lava le galuega faamatua o le tausi ma faapelepel o fanau.

O lana mau, e moni lava o lo’o tau atia’e lona aiga i soo se itu aemaise ai lava e leai seisi o lona aiga e faigaluega ae o lo’o taumafai lava ona o le vaai alofa i fanau.

“O le tau o le soifuaga ua taiugata toe alu agai lug ape a fua atu iai i lo’u aiga e leai seisi e faigaluega na’o le faatoaga lava o lo’o faalagolago iai sei vagana ai pili aoga a le fanau o lo’o alolofa mai ai nisi o aiga ae o lo’o tagi lava i lima galuega fai aua se sailiina o se seleni mo le fanau.

O le miti a le tama ina ia maua sana galuega ina ia mafai ai ona fesoasoani a ii lona aiga ma le tausiga o fanau.

“O le galuega lava ua iai o lena lava pau le manatu ina ia maua ai se seleni aua le tausiga o aiga ma fanau.