Niu mo le tausiga o aiga

By Fetalai Tuilulu’u 01 May 2017, 12:00AM

O le maua ai o le fa’atalatalanoaga ma le tamā  i  a Fetaia’i Va’auli o Faleula na ia fa’ailoa ai le aoga o le fa’aaogaina lelei o la’au o lo’o si’omia ai o tatou tagata e pei o le niu.

 “Ia e pei o niu nei o lo’o fa’atau atu o lo’o  fesoasoani tele mo le tausiga o si o matou aiga aemaise lava o nai fanau i a’oa’oga.” O lana tala mai lea.

 “E mo le silafia ai e pei o nai niu lava ma koko Samoa o lo’o fa’atau atu ma maua ai nai seleni i aso uma.

“O letau o le niu e tasi e $2 ae e pei la a lelei lava fa’atauga o le aso, ia o le a maua ai lava ma sina fa’asiliga mo si o matou aiga i aso uma.

O le tamā i a Fetaia’i ua 52 le matua o lona soifua i le taimi lenei.

 “Ia ua le lava se malosi e pe’a ai luga o le niu ae pei o lo’o fa’aaoga lava le apefa’i e aga’i ai luga o le niu, ona e manumanu fo’i i pau se isi.

 “Aemaise ai lava pe a fa’apea lea ua faigata lava ona pe’a i luga o le niu, aemaise pe a fa’alogo atu ua le lava le malosi e fa’atinoina ai fe’au o le aso.

 “Aepeita’i e pei o lea lava le tulaga o lo’o ua o tatou fa’alagolago tele ai mo le ola o lo’o ua i ai nei.

 “O a’u ia, ia o lo’o taumafai lava e aga’i i luma, ma taumafai lava i le mafai e gata ai ina ia mafai lava ona atia’e aiga.

 “E leai se agaga e alu alu tu’u ona o le va’ai alofa i fanau, o le uiga o la’u tala afai na o le nofonofo ae leai se galuega e fa’atinoina ia o le a fa’aletonu le tele o vaega o le a taumafai i ai le lumana’i.

 “E pei o la’u  ia le mau i aso uma, ia o le taumafai lava, o tupe lava mea uma ma ua le toe faigofie fo’i le soifuaga o lo’o ua tatou i ai nei.

“O lau ia lea tala, ia e fa’atau lava niu i aso e fitu o le vaiaso aua lava sina tupe fa’asiliga mo le fanau aemaise lava le agai  i le lumanai.

“Aua a lelei le fanau e manuia fo’i aiga, nu’u ma le ekalesia.

By Fetalai Tuilulu’u 01 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>