‘E lē losilosi vale le alofa’
O upu ta’imua ia o le Aso Fiafia o Moi Sefo Leatuau ma Tupai Ruthgrace Stowers i le sauniga lotu na tu’ufa’atasia ai i la’ua.
O le Aso Faraile na se’i mavae atu nei na fa’ataunu’uina ai lo la’ua fa’amoemoe ua leva ona moe miti i ai.
O se sauniga na molimauina le tumutumu ai o aiga e molimauina lea aso taua mo i la’ua.
O le Ekalesia Fa’apotopotoga a le Atua i Faleasiu na fa’ataunu’uina ai lo la fa’apaiga i Luma ole Atua.
O le tama’ita’i fa’aipoipo o le alo e fa’asino i a Rev. Tupai Farani Stowers ma Oge Muavaa Stowers o Faleasiu-uta.
O le fa’atoafaiava, o le alo o Leatuau Iulai ma Lumepa Leatuau.
O le aiga tele o lo la aso fiafia na fa’ataunu’uina lea i le hall a le Ekalesia i Lotopa.