“E leai se lu’itau o i totonu o le nuu,” “ Mitiana Konelio

By Sarafina Sanerivi 02 September 2016, 12:00AM

Ata / Misiona Simo

“E leai ni lu’itau o i totonu o le nuu,” O le manatu lena o Mitiana Konelio mai le nuu o Leulumoega. O ia o se tamā matua ua 63 tausaga o lona soifua mai le nuu o Leulumoega. Na ia faaalia i le Fofoga o le Nuu e faapea e leai ni lu’itau o i totonu o le nuu. Poo le a lava, o loo faigofie mea uma ma sa’oloto.

O Faatoaga o le atiina a’e autu lea matou te tua i ai ma faalagolago i ai i aso uma. Matou te galulue ina ia maua taumafa mo le aiga ma ona pau lena. E leai nisi atiina a’e i totonu o nuu.”

“Ona pau le atiina a’e e mafai ona matou faalagolago i ai mo tupe i le taimi nei o le koko Samoa.) Ona pau lena o mea o loo matou faatau atu i le taimi nei mo tupe. 

 

 “E leai se tasi o lo’u aiga e faigaluega. Matou te faalagolago ia matou fanau o loo nonofo i fafo e auina mai tupe i vaiaso uma.” 

Mai le to’asefulu o le fanau a Mitiana, e to’avalu o loo nonofo i fafo ma le to’alua o loo i totonu o le atunuu.

E manatu Mitiana e leai se mativa i totonu o Samoa. “Afai e paie se tagata-e taunuu lava i le mativa. Ua ‘ou o’o i isi atunuu i fafo ma ua ‘ou vaai e faapea afai e te le faigaluega, e leai se aoga e te nofo ai i lea atunuu. “Ae mo tatou i Samoa nei, e mafai ona tatou ola i le eleele ma tatou te le tau faalagolago i ni tupe mo mea’ai i aso uma. “E mafai ona maua a tatou mea’ai mai le eleele ma le sami.” Na ia faafetaia le taumafaiga e le malo tau le atiina a’e o le atunuu. “O lo tatou malo o loo i ai nei e 100 pasene,” o lana faaaliga lea. “Ua faateleina le Atiina A’e.

“Ua ‘ou iloa lenei tulaga-ona o le taimi ua te’a, a leai ni a tatou galuega, e leai se mea tatou te maua. I aso nei, ua tatou faalagolago malosi ia tatou fanau e tuuina mai tupe mo i tatou. Afai e te le faigaluega, e te le iloa poo fea o le a maua mai ai se tupe e auina atu ai a tatou fanau i a’oga. Ae tusa ai ma faatoaga, e tatou te galulue i faatoaga ina ia maua ai taumafa mo tatou aiga ae leai ni mea se tele e maua ai ni tupe.”

By Sarafina Sanerivi 02 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>