Mana’omia e le tinā se fesoasoani

Tusia Deidre Tautua – Fanene ,

39 Hits

Le tinā i a Salome Kalolo Uili o le fia maua lea o ni galuega mo ia ma nai ona alo e to’afa.

Le tinā i a Salome Kalolo Uili o le fia maua lea o ni galuega mo ia ma nai ona alo e to’afa.

O le fa’atalau’ula a le tinā i a Salome Kalolo Uili o le fia maua lea o ni galuega mo ia ma nai ona alo e to’afa.

O lenei tinā e to’aiva lana fanau, mai le afioaga o Levī Sale’imoa.

Sa ia fa’aalia le faigata o le olaga o lo’o i ai ma le tele o fa’afitauli o lo’o feagai ma ia i le tausiga o lona aiga.

O le tasi o fa’afitauli o lo’o pologa ai lenei tinā o le itu lea i le suāvai.

“E tele atu aso e le sua mai ai le paipa nai lo aso e sua ai,” o lana sanoaga lea i le Fofoga o Samoa.

“E tele atu aso aso matou te nonofo ai e aunoa ma se suavai nai lo aso e maua ai e matou le suavai.

“A o’o la ina tupu le mea lea ona matou pologa lea e su’e solo se nofoaga e matou te maua ai se vai.

“O le tasi lena o fa’afitauli o lo’o feagai ma matou.”

O le tele ia o manaoga o le tinā ae sa ia ta’ua o na manaoga uma o le sini autu lava o le itu tau seleni.

“O lesi fa’afitauli o le matou fia maua lea o se eletise,” o lana saunoaga lea.

“Ua leva ona matou nofo pologa ae pagā lea e leai se tupe e fa’atinoina ai nei manaoga uma.

“Ua matou manaomia lava se fesoasoani i le itu tau seleni ina ia mafai ai ona fai uma nei manaoga.

“O le tulaga lea e i ai si o’u aiga e o’o lava i le tau o se matāula se’i fa’aola ai le matou fale ua le gafatia.

“E to’alima si a’u fanau o lo’o ao’oga ma o le tasi fo’i na avega o lo’o tauaveina o aoga a le fanau.

“E leai se tupe ina ia mafai ai ona fesoasoani atu ai i le fanau i latou aoga.

“E leai se tasi o lmatou e faigaluega o le tamā o le aiga e le mafai ona faigaluega ona o ia o lo’o gafa ma le tausiaina o lona tamā o lo’o maua i tino ma’i ma o lo’o i le falema’i.

“E o’o lava i le itu i galuega ua matua’i faigata lava i lenei vaitau.

“Ae o le naunataiga ia vave mai se aso e logoina mai ai e se agelu aga alofa o lo’o i ai se galuega o lo’o avanoa mo matou ma si a’u fanau matutua.

“Afai ae maua se galuega o le a fesoasoani malosi lea i le tausiga o le aiga aemaise lava si a’u fanau laiti o lo’o ao’oga.

“O le soifuaga lea ua i ai ua maualuga lava le taugata o le soifuaga ma o le ala fo’i lea ua pologa ai le to’atele o le atunuu.”

© Samoa Observer 2016

Developed by Samoa Observer in Apia