Foa’i le kalapu a le “Boys Get Along” i Mapufagalele

Tusia Deidre Tautua – Fanene ,

19 Hits

Peresetene o le kalapu Maniti Lauama, Sister Sarah ma Viali Williams.

Peresetene o le kalapu Maniti Lauama, Sister Sarah ma Viali Williams.

O le vaiaso nei sa foa’iina atu ai e le kalapu a le “Boys Get Along” se tinoitupe e $2,000 mo le Mapuifagalele. O lenei kalapu o lo’o faia lea e nisi o le aufaigaluega a le Samoa Stationery and Books.

O le ali’i i a Viali Williams ma le Peresetene o le kalapu, Maniti Lauama sa la’ua taua’aoina atu lenei foa’i.

Sa fa’aalia e Lauama o lenei seleni e mai se latou fa’aputuga tupe o lo’o faia i le latou kalapu (social fund).

“O tama uma lava o lo’o i totonu o lenei kalapu e matou te aoina le ta’i $2 ona fa’aputu lea se’ia o’o i le fa’aiuga o le tausaga ona matou filifili lea po’o ai e ave i ai le matou foa’i,” o lana saunoaga lea.

“O lenei galuega e atagia atu ai le loto o le matou pule, Tofilau Fitiu Leung Wai e fesoasoani atu i tagata o le atunu’u.

“O le matou talitonuga o tināma tamā matutua e tatau ona ave i ai le fa’amuamua tusa lava pe aiga i ai pe leai.

“Ma o le tu lea ma le aganu’u a le Samoa na tatou feola mai ai lava o le fesoasoani lea i nai o tatou tamā ma tinā matutua.

“O’i latou fo’i nei o lo’o nofo tatalo atu mo’i tatou a’o feagai ai ma tiute ma galuega i aso ta’itasi.”

Sa ia ta’ua fo’i le tāua tele o le nofoaga o lo’o aumau ai tinā ma tamā matutua.

“O i fo’i e iloa ai e’i latou e le’o mafai ona galo latou i a tatou, ma o lo’o tatou manatua pea latou i aso uma.

“O le ala fo’i lena e fa’amuamua ai lava e le “Boys Get Along Club” le nofoaga lenei ona o le tāua o’i latou o lo’o aumau ai.

“O lenei la aso ma lona fa’amoemoe ua fiafia lava le loto ina ua o’o mai fo’i o lo’o manuia nai tatou tamā ma tinā matutua.

“O lo’o maua pea e latou le malosi mai le Ali’i e le’o fiailoa ae pau le naunautaiga ia maua pea e latou le manuia ma le soifua laulelei.

“Ma ia latou iloa e le mafai ona galo latou i le Boys Get along Club.”

© Samoa Observer 2016

Developed by Samoa Observer in Apia