Fa’atāua e Aeti lona Aiga

Tusia Deidre Tautua – Fanene ,

14 Hits

Aeti Tulafono, 26 tausaga mai le afioaga o Faleasi’u Uta.

Aeti Tulafono, 26 tausaga mai le afioaga o Faleasi’u Uta.

O le soifuaga lenei ua tele ina fetaia’i tagata ma le tele o fa’afitauli pe afai e leai se galuega.

O le mau lea a Aeti Tulafono, 26 tausaga mai le afioaga o Faleasi’u Uta.

O lenei taule’ale’a sa ia ta’ua i le Fofga o Samoa o lo’o tausailia fo’i sana ia galuega.

“O le taimi nei o lo’o o’u galue i le matou fa’atoaga e fesoasoani ai i lo’u aiga,” o lana saunoaga lea.

“Ae ui lava i lea e le’o gafatia lava, ona o le vaitau lenei ua tupe lava mea uma.”

Sa fa’ailoa mai e lea taule’ale’a sa faigaluega muamua ae peita’i ua le toe faigaluega talu ai o nai fa’afitauli laiti.

“Sa ou aoga i le N.U.S. ma sa ou aoga i le vaega o le au Tusitala, ona ou alu lea i le Talofa FM e fa’alautele le malamalama mo sina vaitaimi.

“Na uma mai iina sa maua lesi a’u galuega i le Mr. Burger ae peita’i sa ou nofo ona ua le mafai e si o’u tamā ona galue i le matou fa’atoaga.

“O le mafuaaga lena ua ou le toe faigaluega ai, ma i le taimi nei e to’atasi lava le tagata faigaluega o le matou aiga.”

Sa fa’ailoa mai e lea taule’ale’a lona manaoga o le toe fia faigaluega lea ona o lea ua i ai le tagata e nonofo ma nai ona matua.

“Ou te lelei i galuega tau ofisa, ma e lelei fo’i la’u kuka,” o lana saunoaga lea.

“O nisi na o galuega lea ou te tilotilo i ai ina ia maua ai se galuega mautu e tausi ai le aiga aemaise lava nai o’u matua.

“Ae i le taimi nei o lea e fa’amalosi lava e galue i le fa’atoaga ma fa’atalitali ai le taimi e maua atu mai se tali o lo’u manaoga.

“E le’o fa’ataua a’u meamata i le taimi nei ona o lea e fa’aaoga e tausi ai le aiga.

“Ae talosia ia ae vave na maua se galuega, ma afai fo’i ae maua se galuega o le a fa’aavanoa lava le taimi e sau ai e totō sina talo ma sina fa’i.

Afai e te fia fesoasoani i a Aeti fa’afeso’ota’i le numera 758 7358.

© Samoa Observer 2016

Developed by Samoa Observer in Apia