Foa’i le Amapasa o Saina i le Samoa Primary

Tusia Deidre Tautua – Fanene ,

43 Hits

O le amapasa o le malo o Saina I Samoa,Wang Xuefeng, ua ia fa’ataunuuina se miti ua leva ona moemiti i ai le aoga tulaga a Samoa Primary School i Vailele.

O lenei miti ua mafai ona faataunuuina e le lea i lo laua foai atu o ni mea e fa’aleleia ai le aoaoina o le fanau o loo aotauina i Vailele.

“O le tausaga na se’i mavae atu nei sa ou polomisi ai i le tou aoga o le a ou aumaia se masini faaonaponei (projector & screen) e fa’aleleia ai le aotauina o outou,” o le saunoaga lea a le Amapasa.

“O le aso lenei o lea ua ou o’o mai ai e taua’aoina mai ai nei meatotino.

“O lenei masini o le a mafai ona tou fa’aaogaina e matamata ai ata.

“O isi foi meaalofa o meatotino ia e fa’aaogaina I le soka ma le voli polo ma le tele o nisi meataalo.

Sa mafai fo’i ona ia foaiina ni teddy bear mo tamaiti uma lava o le aoga.

“O Samoa ma Saina e ese le mafana o le mafutaga,” o lana saunoaga lea.

“O le aso lenei ua ou fiafia lava ina ua ou oo mai I le amataina o le tausaga fa’alea’oa’oga ina ia mafai ai ona ou fa’amanuia I faiaoga uma lava e tusa ai ma le galuega o le a amatalia aemaise foi o le fanau.”

Sa faafetaia e le puleaoga Susan Su’a le Amapasa ma lona faletua ona o le meaalofa.

“Fa’afetai lava ona o lou manatu mai,” o lana saunoaga lea.

“O se uo mamae lava a le Samoa Primary lau afioga.

“E oo foi i le tausaga e 2004 ina ua amatalia lenei aoga sa e fesoasoani mai foi. O le a tumau pea lenei faiga paaga ma le Amapasa o Saina mo ni tausaga se tele.”

© Samoa Observer 2016

Developed by Samoa Observer in Apia