Ua outou faamaonia se faiga faavae alofa mo Samoa. Ua faaaogaina e Taitai o le Mau lou uiga lelei e avea ma faailoga o lou tulaga vaivai, ma o lea ua latou faasausili ai ma le toe ‘ana’ana ise mea.O lo latou faamoemoe ua manino mai-ia aveese le pule a Niu Sila- ae tofia Nelesoni e avea ma Tagata e Pule Toatasi. O le poloaiga tau le faa-aunuua -sa le tatau ona outou faaleaogaina. E le toe maua se to’afilemu tau upufai i totonu o Samoa-pe afai e faataga pea ona nofo Nelesoni iinei. 

Mo tagata Saina-o nei suiga o le a le mafai ona maua ai ni tulaga faaleleia tau o latou soifuaga. O le 1934 na toe iloiloina ai le tulaga tau su’isu’i ma le tulaga tau tamā- o se fanau e to’asefulu-lua a Ah Quoi. Na toe faafo’i atu o ia i lona atunuu e ala i se faasilasilaga e fa aso-e aunoa ma se faamasinoga i le 1929-ina ua mavae ona tafana e Leoleo tagata leipa na solo tete’e. 

O le 1931 na talosagaina ai e lona to’alua o Mele- le Palemene o Niu Sila ina ia toe faafo’i mai o ia. Sa faailoa atu e Turnbull i le Komiti o Talosaga e faapea- sa le talafeagai ai ona faia se faamasinoga o Ah Quoi-ona e le tatau ai. 

“O lea mataupu- e le o se mataupu lea mo Faamasinoga, ona sa le faatinoina e le Pule o Samoa-e tusa ai ma faamatalaga molimau-ae faavae i ona talitonuga-ia sa tausisia pea- e faapea- o le aveeseina o Ah Quoi, e ese ai mai faafitauli sa feagai ma ia ma lona aiga, ae sa tatau lava ma talafeagai ai- e tusa ai ma le faamoemoe o le nofo filemu. Ae ui o lea-e tusa ai ma aia tatau ma le manuia o lona aiga-‘na latou faatagaina o ia ina ia toe fo’i mai. Na toe taliu mai o ia  i le 1934 -a ua 50 tausaga lona matua. 

O le 1937 na toe fai ai e Turnbull le isi taumafaiga-ina ia toe faafo’i mai o ia- ma fai mai -o ia o se tagata leipa ua faamauina, o se tulaga lea sa na le maua talu mai le 1908. Sa faailoa mai e Ueligitone ia Turnbull -ia tuu ai pea lea alii. Sa tumau pea lea vaai maulalo i tagata Saina, e o’o lava i tagata e pei o Nelesoni, ae sa faamatalaina e le New Zealand Samoa Guardian o tagata Saina-o “tagata faatiga-ulu i tagata Samoa” ma o “tagata faa-uigalua” Sa tuuina atu foi e Nelesoni lana ‘ula su’i-fefiloi –fai mai o tagata Saina- ua leaga ai le tulaga lelei ma le atoatoa- o le toto Samoa-ma e tatau ona fai se fuafuaga e taofi ai. Sa taumafai le Fono Faitulafono e faatino lenei tulaga ina ua toe faatulaga, i se tulaga malosi- faatasi ai ma ni faaupuga malolosi. 

O le Tulafono mataga a Logan-na faasa ai ni tagata Saina se 42 mai le ulufia o fale o tagata Samoa, lea sa le malosi lona faamamaluina e Niu Sila-talu mai le taimi o Lokeni. Ae peitai-e ui lava ina fou le Tulafono Tau le Pulea o Tagata Faigaluega Leipa mai fafo-ae itiiti lava se faiga na fai e tusa ai ma tagata Saina. Na faatoa gaoioi lava Niu Sila ina ua mae’a “le malaga mo faamoemoega  lelei a le Mau-lea na aofia ai Nelesoni, ma asia ai Niu Sila i le 1937-ma faailoa ai faitioaga e uiga i le le mafai ona faatino o tapu-i le nonofo faatasi o tagata Saina ma tagata Samoa. O le tausaga na soso’o ai-e to’afitu ni tamaitai Samoa ma le toaono o Saina- na faasala e tusa ai ma le Tulafono o le 1931. 

I le tausaga mulimuli ane ai-e tusa ai ma se tala faasolopito o faamasinoga e le masani ai-e tusa ai ma le tala faasolopito o faamasinoga aupito i leva o tulafono a Peretania- e tolusefulu ma le fa alii Saina ma o latou ta’ito’alua e tusa ai ma le tulafono-na molia ona o le nonofo faatasi-ma ua soli ai le tulafono e faasaga i le nonofo faatasi e le talafeagai ai.  O le toatele o tamaiti a le ulugalii e tasi-e tusa ai lea ma faamatalaga molimau tau sauaga e faasaga i le nonofo faatasi -e tusa ai ma le tulafono.

Na poloa’ina alii e o atu mo le faasalaina pe a valaau o latou faamasinoga- ae sa tuuina atu i tamaitai aso e tolu e nonofo ai le falepuipui-ona taliu atu ai lea i o latou nuu-ia na poloaina ina ia tausi ese i latou mai tagata Saina. 

I le taimi na muta ai ona avea tagata Saina ma faafitauli-o le mea moni na aliali mai -e faapea o le manatu lautele o tagata Samoa e uiga i lea mataupu-sa le lelei ona faaupuina i se tulaga e sili ona lelei, ma sa masani ona le maua. Sa foliga mai e ono tele ni upu a tagata Samoa e fai i tagata Saina-ae peitai –sa faamasinoina lea tulaga e tusa ai ma ona aiaiga manino. I le tele lava o itu-sa mafai ma faigofie i tagata Saina-ona milo faatasi ma tagata Samoa ma le olaga lautele-pe a faatusatusa i Papalagi.

O le faavae o le atunuu latou te o mai ai –e le tutusa ma Samoa. I le avea ma vaega-sa matua faamanuiaina tagata Saina i le avea o i latou  ma tagata faipisinisi-ma sa gafa ma mea tau fefaatauaiga i totonu o Apia. 

O atalii ma afafine o i latou na muamua mai e galulue i Samoa-e masani ona lelei ma matagofie o latou foliga, ona o le lelei o galuega sa fai e o latou tamā ma le tulaga tutoatasi o Samoa-ma ua matua maopoopo lelei tagata Samoa ma tagata Saina. O isi ua galulue i galuega lelei ma faaauau pea galuega lelei na fai e o latou tamā. O le toatele o i latou ua fai o latou suafa matai atoa ma isi na filifilia e avea ma Sui Usufono o le Palemene.