Aua le fiu gofie

By Ilia L. Likou 03 December 2017, 12:00AM

O le maua ai o le avanoa e aoaoina lelei ai fanau o se itu taua tele lea i a Nauma Leautuli.

“O matua lava le faleaoga muamua a fanau , a lelei lava lo latou fa’afaileleina o le a sologa lelei fo’i mea uma.

Na ia ta’ua o se itu lelei tele lea i lona iloa i ai.

“E pei o lea lava le tulaga o lo’o ua i ai le taimi lenei, o a’u e nofo i Savaii ae o lo’o i Upolu nei mo le faauuga a le aoga o lo’o i ai se tasi o o’u atali’i.

O Nauma e 11 ona alo.

“Ia e le natia lea tulaga, ae o lea to’atele ou te le fa’avaiavai i le fa’aaoogaina o i latou ma o se itu taua tele lea i a te a’u lava ia.

“O lo’u iloa i ai, ia e leai lava se mea faigata, pe a e iloa alofa i lau fanau, o le a lava le faigata ia e faigofie mea uma pe a i ai lea tulaga i a te oe.

Na ia ta’ua o le itu lelei ma le mautinoa o le taumafai lava lea ina ia una’i fanau.

“Ia e pei o lea lava le tulaga, o a’u o se tagata e fai mea taulima, o nai vaega o lo’o faaaogaina ai le tomai tau le kukaina o mea taumafai, lea o lo’o sau ai le tupe mo le fanau.

“O le uiga o la’u tala, ia o le olaga e fa’apena lava e nofonofo o lona uiga ua leai loa se meaai ese loa ma le mea e fa’asasaga ai le fanau.

“Ae o le ave lava o le fa’amuamua i o latou ola, e le tatau lava ona nofoa’i matua i le fa’atonu ia ma tu’u ai feau e fa’atino.

“O le lelei lava lea o le aga’i ai le lumana’i o lo latou olaga, pe a aua nei fa’alogologo tiga matua.

By Ilia L. Likou 03 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>