Taofia auupega na aumai faananā

361 Hits

<p>Komesina o Leoleo o Fuiavailili Egon Keil  ma le Ofisa Sili o Pulega ua faamavae o Revenue ma le Ofisa o le Tiute o  Pitolau Lusia Sefo Leau i le faagasologa o le tauaaoina atu o ia oloa solitulafono. </p>
<div><strong><br /></strong></

Komesina o Leoleo o Fuiavailili Egon Keil  ma le Ofisa Sili o Pulega ua faamavae o Revenue ma le Ofisa o le Tiute o  Pitolau Lusia Sefo Leau i le faagasologa o le tauaaoina atu o ia oloa solitulafono. 


Pai Mulitalo Ale 

Faaliliu e Seagaitumua Tupuola


Ua matua popole lava le Matagaluega o Tupe maua i le puipuiga o tuaoi o Samoa.  

Ona o lea tulaga popole o le Matagaluega-o lea sa faasalavei ai e le aufaigaluega a le Matagaluega ma faatama’ia fana solitulafono na aumai faananā i totonu o le atunuu e ala i le tele o pusa oloa tetele ma afifī na auina mai i Samoa.

O le vaiaso talu ai na tauaao atu ai e le Ofisa Sili o Pulega o le Matagaluega  lea ua faamavae o Pitolau Lusia Sefo –Leau ia auupega i le Komesina o Leoleo o Fuiavailili Egon Keil, ina ia faatama’ia.

Na faatinoina lea tulaga i le aso i luma mai o le aso na faamuta ai e Leoleo le toe Faafo’i atu o ia Fana, ona o se taumafaiga ia fo’ia le maua o ia fana solitulafono ma e le’i laiseneina i luga o ala tetele.

I le faagasologa o le tauaaoina atu, fai mai Pitolau o ia auupega na faasalavei i le tele o nofoaga e siaki ai tuaoi i totonu o Samoa. O le tele o ia fana e le faatagaina e le tulafono, o le faaaliga lea a le tamaitai. 

“Na matou taofia nei auupega na aumai i totonu o tuaoi e aunoa ma ni pemita,” o le faaaliga lea a Pitolau.

“Na matou taofia foi fana e lei faaalia mai e ia tagata.” Fai mai Pitolau o le taualumaga lenei ua leva ona faagasolo i le tele o tausaga ae o le taimi muamua lenei ua latou faatinoina ai i se tulaga aloa’ia, faatasi ai ma se faalauiloa i nusipepa ma vaega faasalalau. Fai mai le tamaitai o se mea talafeagai pe a tuuina atu ia fana i Leoleo ina ia mafai ai ona latou faia le tonu pe o le a le mea e fai i ai. 

“Na matou maua foi le anoano o ututau,” o lana faaaliga lea. “O ni ututau solitulafono. Sa matou tausia uma, faamaumau i pepa ma o lea ua matou tuuina atu i Leoleo.”Fai mai le Ofisa Sili o Puelga e lelei le latou faiga-paaga ma le Matagaluega o Leoleo maua leva ona latou galulue faatasi i le tele o tausaga e puipui Samoa.

Fai mai Pitolau pe fai se faamagaloga mo fana pe leai, latou te tuuina atu lava auupega ua uma ona latou aoina mai pusa oloa tetele i Leoleo. E sili atu i le 15 fana-o nisi o ituaiga o auupega malolosi mo fitafita-ma e sili atu i lo le selau pusa o ututau na tuuina atu i Leoleo.

© Samoa Observer 2016

Developed by Samoa Observer in Apia