Aua le fa’avaivai ua leaga aso

By Ilia L Likou 04 October 2017, 12:00AM

O le aso ananafi na maua ai le fa’atalatalanoaga a le Fofoga o Samoa ma le tamā i a Sa’umani Sa’umani o Vaoala.

Na ia fa’ailoa o le taimi lenei o lo’o fealua’i ta’avale laititi ma o lo’o fesoasoani tele i si ona aiga.

“E pei o lea lava le tulaga o lo’o i ai, e i ai la’u fanau ma e to’aono ma ua matutua uma, i a te a’u lava ia ou te le mana’o e fa’alagolago tele i ai aua o lo’o tausi fo’i o latou aiga.

“O le itu e sili ona lelei ia o le ola lava o le tagata ia, a i ai lava se mea e fia fesoasoani mai ai.

Na ia ta’ua ua leva ona ia fa’atinoina le galuega i le ave ta’avale laititi.

“Ia ua o’o mai lava lenei taimi ia o lo’o faia lava, ma o lo’o fesoasoani nai vaega laiti aua o le soifuaga ua tatou i ai nei ua le’o toe faigofie.

“O tupe lava mea uma, e o’o lava i le soifuaga ia ua tele lava le suiga olo’o ua i ai nei.

“A e le alu la e te galue lona uiga e te fia’ai, a e fia’ai loa e ono o’o atu ai lava se tulaga e ma’imau ai le soifua.

O le tulaga e pei ona ua i ai nei e le faigofie.

“E tatau ai lava ona ave pea fanau i le aoga mo so latou lumana’i manuia, a leai ia ua ma’imau atoa le taimi e taumafai ai.

O le uiga o la’u tala, a fa’aletonu na fofoa atu fanau, ia e ono ola falolo i le lumana’i.

Na ia fa’ailoa e ao lava ona ave i ai fautuaga e tatau.

“Ia o so’o se matua ,e le faigofie le fa’aaogaina o fanau, a matutua ane ia e te fiafia lava ae i’u manuia a latou taumafaiga.

“O le uiga o la’u tala e galo lava tiga ma le faigata, pe a o’o le taimi e i’u lelei a latou a’oa’oga ma mea uma lava latou te fa’atinoina.

“O se itu lelei tele lava le fa’amalolosi ma onosa’i e tulei nai fanau i aoga.

Na ia fa’ailoa fo’i e  i ai lava fa’afitauli i le galuega, ae o le va’ai alofa lava i aoga e mafua ai lava ona maua le malosi e fa’atino ai so’o se galuega.

By Ilia L Likou 04 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>