O le itu taua o le mafai ai lea ona fa’atino o so’o se vaega aua le aga’i atu ai le lumana’i ona ua faigata nei aso.

O lea le finagalo fa’aalia o le tamā i a Asi Alofa i le Fofoga o Samoa i le aso ananafi.

“Ia ua leai lava se isi e le toe silafia le tulaga taugata ua i ai nei le tau o le soifuaga.” O lana saunoaga lea.

“O lea lava fo’i lo tatou taumafai i ai, ia e le taitai ona ila le tau o le soifuaga i totogi o lo’o ua i ai nei, aua ua faigata lava nei aso.

“O le tele lava lea o nai aiga ua i ai nei aso, ua matua’i faigata vaega uma aua o lea lava le tulaga maualuga o lo’o i fa’amoemoe o le to’atele o tagata o le vave mai ia o se aso e mafai ai ona fa’atino ni vaega e tau sau ai i lalo le tau o le soifuaga.

O lona finagalo o le mafai ai lea ona fa’atino o so’o se faiga pe a maua totogi.

“Ia e pei o lea lava le tulaga o lo’o ua i ai le taimi lenei, oka se maualuga o le tau o le soifuaga o lo’o ua tatou i ai nei.

“O se fa’anoanoaga tele lea i a te a’u lava ia, ma ua tatau lava ona toe silasila toto’a i ai le malo mo lenei lava taimi ma ua vave fai i ai se fuafuaga.

O lona finagalo o le mafai ai lea e tagata uma ona maua sina fa’amama avega mai le tele o le taugata o le tau o le soifuaga.

“Ia e pei o lea lava le tulaga o lo’o i ai le taimi lenei, o le a lava le tulaga o lo’o mana’omia ai le olaga ia o lea lava.

“O le itu taua o le mafai ai lea ona fa’atinoina o so’o se vaega , e aunoa ma se popole tele, e ao fo’i le malo ona toe silasila mai.

“Ua tele aiga ua le gafatia le tau o le soifuaga mai lea aso i lea aso.