Foa’i atu e le tama taalo o le Brumbies mea taalo mo le Afaluko

05 January 2016, 12:00AM

Tusia - Deidre Fanene

Faaliliu e Seagaitumua Tupuola 

 

Ua i Samoa nei, le tama taalo lauiloa i le lakapi a Ausetali o Scott Sio-lea na ia foa’i atu ni mea tau lakapi i le Kalapu Lakapi a Solosolo-o le ‘Afaluko’ i le vaiaso talu ai. O Sio e taaalo i le tulaga o le ‘prop’ mo le Brumbies i le tauvaga o le Supa Lakapi.

Fai mai a ia o le pogai ua tonu ai ia te ia e aumai ni mea tau lakapi mo le kalapu-ona o lona tamā

E ui lava ina sa fanau Sio i Sini i Ausetalia, “O iinei na tupu a’e ai lo’u tamā i totonu o Solosolo,” o lana faaaliga lea.  

“O iinei na tupu a’e ai. O le tele o mea na matou faia a’o matou talavou o le taalo lakapi ma o nisi taimi e galo ai ia I matou le vaega o le lakapi lea e tatau ai ona matou tuuina atu ni mea i tupulaga talavou e fiafia i ai.   

“E pei lava o le aganuu a Samoa, o le lakapi na te faatinoina se vaega tele o taaloga faatasi i ma le lotu-o lona uiga la e lua mea na matou ola a’e ai.  “O le toatele o tamaiti iinei ia atonu o loo manana’o e taaalo mo le Manu poo le Olopeleki foi poo le Wallabies-ma o lea ua ‘ou mana’o ai e fai se fesoasoani mo i latou e amata ai ona fai lea tulaga i se aso e tasi. 

 “O se vaega o lo’u olaga lakapi e mai o’u matua, la’u aganuu ma le anoano mai lo’u aiga.”

Na faafetaia e le Peresetene o le kalapu, Leafa Ioane Sio Mr. Sio ma ona matua mo lea lagolago i le faagasologa o le tausaga atoa.  “Ou te iloa e le faigofie ona foa’i ni mea ia Samoa ma ou te talitonu ua e faaaluina ni tupe se tele i nei mea tau lakapi e aumai ai iinei,” o lana faaaliga lea.  “Ona o lou alofa i lou nuu, matou te fia momoli atu le faafetai tele mo ia meaalofa.

“O le a matou faaaogaina ma le poto ia mea ma manatu lou alofa ma lou agalelei i la tatou kalapu.” 

O le taaloga muamua a Sio o le faagasologa lea o le taamilosaga o le Super Rugby 2012 e faasaga i le Sharks i Kanepera. 

Na avea foi o ia ma sui o Ausetalia under  20 i le 2011 IRB Junior World Championships. Sa aoaoina o ia i le Sydney Trinity Grammar School i le Summer Hill, lea na ia maua ai tulaga o le Kapeteni o le Lakapi ma le School Vice Captain i le 2009.  I se taimi mulimuli ane ai o lea tausaga- na avea ai o ia ma sui o le NSW Schoolboys, Australia A Schoolboys ma le Australian Schoolboys.

O le taaloga muamua lava a Sio-o lona tulaga o le  ‘loosehead prop’ faasaga i le Olopeleki i le faagasologa o le manumalo i le taaloga mulimuli o le  2015 Rugby Championships, ina ua mae’a se suiga lelei o le ‘au-faaleoleo e faasaga ia Aferika i Saute ma Argentina. Na lavea Sio i totonu o le ‘au e 31 a le Wallabies, lea na ia sui ai le prop a le Wallabies e aupito i tele ana taaloga, o  James Slipper  e avea ma filifiliga faamuamua a le Wallabies mo le tulaga o le ‘loosehead’. Faamatalaga faaopoopo mai le Wikipedia.

05 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>