Fa’amavae atu le mālō i a So’oalo Stanley

Tusia Deidre Tautua-Fanene ,

107 Hits

Sa ta’ua e Tuilaepa le taimi muamua na alu atu ai So’oalo i lona ofisa e talosagaina le amanaiaina o le asosi a fa’afafine I totonu o le atunuu ma talosagaina ai lana afioga e avea ma fa’atamā o le asosi.

Sa ta’ua e Tuilaepa le taimi muamua na alu atu ai So’oalo i lona ofisa e talosagaina le amanaiaina o le asosi a fa’afafine I totonu o le atunuu ma talosagaina ai lana afioga e avea ma fa’atamā o le asosi.

O le soifua o le Peresetene o le Asosi a Fa’afafine i Samoa So’oalo Roger Stanley o se olaga e alofagia tele e le to’atele.

O le Aso To’ana’i sa faia ai toe sauniga o So’oalo Roger Stanley i le Hall a le E.F.K.S. i Sogi.

Sa iloga i totonu o le Asosi a Fa’afafine ma sa ta’ua o mama ona o ona uiga alofa e fesoaosani ai i so’o se tasi e mana’omia se fesoaosani.

O molimau o le soifuaga o So’oalo sa fa’atautaia lea e lona tinā o Aniuteattetta Afamasaga Leuluaialii Abel Stanley, Palemia poo le fa’atamā lea o le Asosi TuilaepaSaileleMalielegaoi, o lona tuafafine matua o Tofilau Sonya Leilani Stanley –Levy, Sui Peresetene o le Asosi, Alex Su’a, ma le fa’afeagaiga ia KerisianoSoti.

Sa ta’ua e Tuilaepa le taimi muamua na alu atu ai So’oalo i lona ofisa e talosagaina le amanaiaina o le asosi a fa’afafine I totonu o le atunuu ma talosagaina ai lana afioga e avea ma fa’atamā o le asosi.

Sa ia viia fo’i So’oalo ona o lona lototele i le ta’ita’iga o le asosi e sailia seleni e fesoaosani ai le asosi i le tele o galuega fai.

Sa ta’ua fo’i e Tuilaepa le tele o galuega lelei a le asosi o lo’o fai ma e le tatau i se tagata ona va’ai maualalo i fa’afafine ona galuega a le silisili ese.

Sa ia ta’ua fo’i le tomai o lo’o i fa’afafine e mafai ai ona latou faia feau fa’ateine ma fa’atama.

Sa ta’ua e le tuafafine a So’oalo le loto fa’agae’etia ona ua mafai e Tuilaepa ona auai atu i toe sauniga o lona tuagane.

Sa ia fa’ailoa fo’i le alofa tele o lona tuagane i a Tuilaepa ona o lona loto fesoasoani i le Asosi a Fa’afafine.

 “E telē le fa’aaloalo o So’oalo mo lona “papa” Tuilaepa ma ua avea ia ma fa’amanuiaga i le olaga o lo’u tuagane,” o lana saunoaga lea.

“E ta’u lava e Roger o lona tamā ona sa tu’ua e le matou tamā le mafutaga a’o matou laity lava.

“O lana saunoaga fo’i i le taeao lenei e fa’atatau i foafoaga a le Atua i le tagata e i ai Roger o se fa’amanuiaga sili lea i a i matou.

Sa ta’ua e Tofilau i le Samoa Observer o le tala e uiga i le toesea ai o lona tuagane sa fa’ateia o ia ina ua logo tala ai.

 “O se tala fa’anoanoa loto,” o lana saunoaga lea.

“Sa fa’ate’ia a’u ma ua nuti ai le fatu ma ua na o le Atua e mafai ona ia fa’amafanafana I lo’u loto.

“E ese le tiga ma le matuitui o lenei mea ae ua fesiligia ai fo’i ma le Atua pe aisea ua ia aveesea ai se tasi e pele I lo’u loto.

 “E folo gatā ona o le mafana o le mafutaga ma le tuagane nei ou te ta’uina lava o lo’u tuagane pepe “lamolelome.”

“O le a ou misia lo’u tuagane,” o lana tala lea.

“O ia o se tagata e telē le tomai ma le malamalamaaga e na te faia ai ni galuega ma ou te lagolagosua tele i ai i le itu tau seleni.

“Ou te leiloa pe fa’apefea ona ou fa’agaloina lo’u tuagane, ae ou te iloa fo’i o lenei tiga e leai sesi na te mafai ona fofoina.”

Sa fa’ailoa fo’i e Tofilau lona maofa i le to’atele o tagata ua mafai ona auai atu e molimauina le olaga o lona tuagane.

“O a’u sa pei o lesi tinā o Roger.

“O a’u fo’i e fiafia tele Roger e sau ai ma pe a mana’omia se fautuaga i so’o sona fa’afitauli lava i le itu i le tino, agaga, tau le galuega aemaise fo’i I le itu tau a’oa’oga.

“I le fa’alogologo atu i le tele o molimau a’o soifua mai e ese le fa’agae’etia o le loto ona sa avea Roger ma fa’amanuiaga i le to’atele o tagata aemaise lava i totonu o le Asosi a Fa’afafine.

“O le a misia le mafutaga ma ua misia fo’i e si o matou tina ae talosia ia i le Atua ia maua se nofoaga lelei o si o’u tuagane i lona malo.”

© Samoa Observer 2016

Developed by Samoa Observer in Apia