O se polokalame fou mo fafine nofotane
Sarafina Sanerivi
Faaliliu e Seagaitumua Tupuola
Ua tatala e le Toomaga mo e Puapuagatia a Samoa poo le (S.V.S.G) se polokalame fou mo nofotane poo tamaitai ia na faasaoina mai sauaga i totonu o Samoa. O lea polokalame o loo tilotilo i le tuuina atu o le malosi i nofotane ia na faasaoina mai sauaga.
E ala i se faiga faa-paaga ma le malo o Peretania e ala i lana Faaputugatupe o le British Bilateral Prograame, o lea polokalame o se vaega lea o galuega faatino a le S.V.S.G. tau le faatinoina o matafaioi tau le tafiesea o suaga e faasga i tamaitai.
O Siliniu Lina Chang, le Peresetene o le S.V.S.G.fai mai o lea polokalame o le a faatinoina i Savaii ma Upolu.
“Ina ia mafai ona fuafuaina le lagolago a nuu, ekalesia, ma aiga o sui auai, o le vaega muamua lava o le galuega o le a vaaia ai le S.V.S.G. sui o nuu taiulu o auai i le una’ia o aoaoga ina ia faaleleia ai lo latou tulaga e siitia ai le iloa i totonu o nuu e uiga i le taua tau tamaoaiga o le tuuina atu o le pule i tamaitai e avea ma fuafuaga e taofia ai sauaga i totonu o aiga.”
O le a latou galulue faatasi ma komiti a tina ma mafutaga a tina o ekalesia e fausia ai sootagata faa-paaga e unaia ai mafaufau ma faamalosia ai tamaitai. O lea polokalame o loo faatūtū i le aoaoina ma una’ia o fafine nofotane ua faasaoina mai sauaga e le o atoatoa le malosi e faaaoga ai tomai e maua ai tupe maua mo i latou ma o latou aiga.”E le gata ina matou tuuina atu le lagolago tau fautuaga, tuuina atu e tatau ai i le falema’i, Leoleo poo se mapusaga i le po, ae o loo matou tilotilo foi i le faamalosia tau tamaoaiga ina ia faatumauina ai nei tamaitai ma o latou aiga.”
“O tamaitai nofotane ua faasaoina mai sauaga ua le atoatoa le malosi e aofia ai i latou ua matua afaina o latou mafaufau i le tulaga faaletonu e afua mai sauaga.
“O lea la ua manino mai e faapea o i latou e faamanuiaina mai le faamalosia tau tamaoaiga o nei tagata ua sili ona afaina ai i totonu o lo tatou atunuu o le a faalauteleina ina ia aofi ai a latou fanau ma aiga.” O se alii ofisa mai le Ofisa o le Hai Komisi a Peretania o le a asiasi mai i Samoa i le amataga o Aperila e molimau le faatinoina o le polokalame.
*O le Nofotane o se upu Samoa lea mo se tamaitai e nonofo ma lana tane i le aiga o lana tane.