Ia Pupula ou fofoga, Samoa!

05 March 2016, 12:00AM

Sarafina Sanerivi 

Faaliliu e Seagaitumua Tupuola 

 

O se matai Samoa lea sa tautua i lona aiga ma le nuu mai Niu Sila ma Ausetalia lea sa nofo ai fai ua tatau ia Samoa ona palota mo se suiga.

.E talitonu Namulauulu Vaoliko Pesamino mai Malololelei ua leva tausaga o tu i le foe le (H.R.P.P.) poo le Vaega e Puipuia Aia Tatau a Tagata ma ua o’o i le taimi e tuuina atu ai se avanoa i le Tautua Samoa Party na te faafoeina ai le atunuu. “O a latou amio ua pei o ni tagata e pulea faamalosi le atunuu,” o lana faaaliga lea. 

Ua tatou molimauina le faiga o loo pulea ai e nei tagata le atunuu i le tele o tausaga, o loo fesuisuia’i ma ua faateteleina i le taimi nei lo latou paoa. 

Ou te manatu o se mea lenei e tatau ona mafaufau i ai o tatou tagata ma faatulaga lelei o latou mafaufau. 

 “Ou te le o fai atu e leaga sui auai uma o le H.R.P.P. O loo i ai tagata lelei i lalo o le faamalu o le H.R.P.P. ae o le faafitauli-e i ai le manatu o sui faatutu a latou le o i ai, e le mafai lava ona latou ‘ausia le Palemene.” Na teena e ia le anoano o faaiuga na fai e Tuilaepa ma lana pati.  

“E anoano tulafono fou ma tulafono ia o loo faasa ai o tatou tagata mai le faia o le tele o mea ma teena ai i tatou mai le faatinoina o a tatou aia tatau faale-tagata,” o lana faaaliga lea. 

Na ta’ua e ia le ‘tulafono o Monotaga,’ lea na pasia talu ai nei. “O lapisi uma na mea,” o lana faaaliga lea. “Ou te ta’u atu ia te outou na o latou faia leneiu tulafono e fai ai se pa pupuni mo tatou tagata o loo nonofo i fafo ma ia fesoasoani ai ia i latou ina ia faaleleia a latou amioga.” 

O lona talitonuga e faapea o tagata Samoa o loo nonofo i fafo o loo tautua mai i o latou aiga ma nuu i Samoa e ala i tupe e auina mai. Matou te aumaia i totonu o le atunuu le faitau miliona ma miliona o tala ae o lea e le mafai ona matou palota mai fafo ma teena foi nisi o tatou tagata mai a latou aia tatau e tauva ai i le faiga-palota. Ua leva ona matou rtaumafai ma talosagaina le malo ina ia faataga o tatou tagata o nonofo i fafo e palota i le faiga-palota ae teena lava e Tuilaepa i taimi uma. 

 “O le mea lea-ua ala ona ‘ou lagolagoina le Tautua Party ona e sili atu ona taua o latou manatu i lo Tuilaepa ma lana pati.” 

E taofi mau pea o ia i lona talitonuga e faapea o (tagata Samoa o loo nonofo i fafo) o loo tautua poo le fai o le monotaga-e ala i lo latou sao faaauau pea i le tele o faalavelave. 

“E le o se Tautua lena mea?” o lana fesili lea. 

“O se taulaga osi e matua tele le lua o ni galuega ina ia lava ni tupe maua mo matou aiga i Samoa nei ae na te le faatatauina lena tulaga o se tautua? E leai sona manatu o miliona ma miliona ia o loo fai ma o matou sao i le tamaoaiga e lava? Sa faaauau pea le talanoaga a Namulau’ulu ma faapea mai o le manaoga tau monotaga ua teena ai le toatele o sui faatutu mai a latou aia tatau faale-tagata..

“O loo faaigoa i latou o le Vaega Faa-Upufai e Puipuia Aia Tatau a Tagata ae o lea latou te faia le mea e ese ai mai le mea sa tatau ona latou faia. O le pogai lea ou lagolagoina ai le Tautua e faapea sa tatau ona faaigoaina i latou o le Pati Pi’opi’o Tau Aia Tatau a Tagata.”Na ia tuua’ia foi le Palemia ona o le “tau faasese ma le le faaaloalo.” 

“Ua leva ona ia umia le paoa ma ua tupu a’e o ia e tusa ai ma aiaiga o le paoa. Ua avea o ia ma tagata lote mea. Ua na lote la tatou aganuu, ma faa-talasua ia Le Tagaloa, o tamalii maualuga e faaaloalogia e tagata uma. E faa-talasua lana talanoa i lenei tamalii ma taufaifai i ai.  “Na te faaigoa i taimi uma tagata uma “o vale”. I lona lava manatu, e leai se tasi e poto atu i lo ia.” “Ua ia i tatou se “Hitila Samoa”i totonu o faiga tau polokiki a Samoa.” 

Ua ou matua popole lava i le paoa na fausia e Tuilaepa ma le tulaga o le malosi ua na maua i le tele o tausaga. O la’u tala e faapea o ia ma ana “paaga” ua latou faia ma le loto i ai nei tulafono mo i latou lava. Ua taalo i tagata ma faavalea tagata uma, e o’o lava i le Ao o le Malo ma le Fono a Sui Tofia.  “O lena tulaga ua faailoa mai ai e le kea o ia pe faaaloalo i la tatou aganuu. Ua manatu lava ia o ia e maualuga i isi tagata uma lava.” E talitonu lea alii ua 67 tausaga le matua o le a sui mea pe a manumalo le Tautua e avea ma pati e pulea le atunuu. 

E talitonu o ia e sili atu ona lelei Samoa pe i lalo o le taitaiga a le Tautua Party talu i latou te faalogo i mea e manana’o i ai tagata ma ua ia i latou ni fuafuaga moni e fo’ia ai fafitauli o loo feagai ma o tatou tagata  Na ia una’ia tagata o Samoa ina ia palota mo le mea latou te talitonu i ai i lo mea ua talosagaina ai i latou ina ia fai. “Ua ou faia lenei talosaga mo tatou tagata ina ia pupula o latou fofoga ma vaai i le tulaga moni o mea. Silasila ma outou fofoga ua pupula atoatoa ma le mafaufau ua matala. Ou te iloa ua fai sina tuai ae ou te faamoemoe o le a manatua e o tatou tagata le mea moni ma galulue loa lava e ‘alofia ia mai le to’ulu solo ma nuti lili’i.”Ua fasefulu o le soifuaga o Namulau’ulu o nofo i Niu Sila ma Ausetalia. O ia lava le tagata muamua o Atumotu o le Pasefika na tauva i totonu o Faiga-Palota Lautele i totonu o Niu Sila i lalo o le National Party. E faalua ona tauva o ia ae lei faamanuiaina. 

O le sosofaina o lea faiga mo tagata o le Pasefika ma taumafai e ulufale i totonu o polokiki o le pogai autu lea o lona fifia e tauva i faiga-palota. Ua ia te ia se tikeri e avea ai ma tagata faigaluega mo Galuega Alofa ma ua leva ona galulue o ia ma le toatele o tagata o le Pasefika.

05 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>