Fa’aaoga tatau tupe

By Seia Soloi 06 March 2017, 12:00AM

O le tinā ia Valaauina Paō, 39 tausaga le matua mai Aleisa, e leai sana galuega ae o lana togala’au aina, o se alagatupe  vave lea mo ia ma lona aiga.

“E lei leva ona ou foi mai le maketi, aua le fa’atauina o a’u fuala’au ‘aina, o aso uma e fai ai lava.

Ua na’o le tamā o le aiga o lo’o faigaluega i le Poloa Construction ma e lata i le $300 tala lana tupe maua, ma o lea tupe e mo mea fai a le aiga aemaise le tausiga o fanau.

Ae mo le tinā ia Valaauina, o lo’o moomia ni vailau aua le faaaogaina mo lana togalaau aina mo le lumanai.

“Talosia a’o faitau ifo le Matagaluega o nafa ma ia tulaga, aua o lo’o moomia ai lava sina fesoasoani, aua a lelei lava vailaau mo le togalaau aina, e le taumate le ola lelei” o lana tala lea I le Fofoga o Samoa.

“E ova atu lava ma le $300tala le tupe e maua mai I le faatauga I le aso e tasi, sei vagana foi ua tupu se mea I lo matou aiga, ona misi lea.

Na ia tau’a, o lana togalaau aina o lo’o faamoemoe iai mo mea e fai i totonu o lo latou aiga, i le itu tau tupe.

“E faamuamua lava pili aoga a le fanau, aua na’o le toatolu o lo’o ao’oga, aemaise o mea fai i totonu o le aiga pe a oo ina tutupu faalavelave, a’o mea fai foi i totonu o le Nuu ma le Ekalesia.

I le taimi nei mo Valaauina ma lona aiga, o le faaaoga tatau lava o le seleni ma ia iloa ona ola sefe mo le lumanai.

“E faaaoga lava le tupe pea moomia mo ni mea aoga, ae o le taimi nei o lo’o ave lava le ma faamuamua mo aoga a le ma fanau, a iloa ola sefe nei, e ola a’e foi le fanau iloa ona ola sefe ma ia faaaoga tatau.

By Seia Soloi 06 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>