Si’itia pea le tau o le soifuaga

By Ilia L. Likou 05 June 2017, 12:00AM

Ua maualuga le si’itia o le tau o le soifuaga ae ua fa’apena ona alu i lalo totogi o lo’o maua e tagata faigaluega.

O lea le itu na fa’ailoa e le ali’i talavou i a John Lemalie i le Fofoga o Samoa.

“Ia e pei o lo’u ia lea iloa i le taimi lenei aemaise o le aga’i atu ai le lumana’i, ua le toe faigofie lava nei aso.

“E pei o le taugata o le tau o le soifuaga o lo’o ua tatou ola ai nei , toe tu’u atu ai ma le lava o totogi e maua e tagata faigaluega , ua atili ai ona le  gafatia se tausiga o aiga o lo’o ua i ai lenei vaitau.

“O se itu e ao ona silasila lelei i ai aua le aga’i i luma o le atunu’u aemaise ai o nai o tatou fanau i le aga’i atu ai le lumana’i.

 “Ia o lea le totogi maualalo le taimi lenei $2.30 ma o se itu i a te a’u lava ia, e tatau lava i le malo ona silasila toto’a i ai.

 “O le itu sa’o lava ma le mautinoa o le tele o nai o tatou tagata ua le gafatia le tulaga e pei ona ua i ai le taimi lenei.

O lona talitonuga o le ala tonu lava lea ua tele ina ola aitalafu ai le tele o tagata.

“Ia o le itu moni lava lea ma le mautinoa o lo’o ua tatou i ai le vaitau lenei, ua le gafatia e tagata le tau o le soifuaga.

“Aemaise la pe a tetele mai ma fa’alavelave ia ua matua’i le gafatia ai lava se tulaga fo’i le le o le matua’i  taumafai lava ina ia mafai ona fa’atinoina o so’o se vaega o lo’o ua tatou i ai nei.

 “O se itu e ao lava ona o tatou mulimulita’i lelei , ma ia va’ava’ai mo se vaifofo manu o i ai le taimi emafai ona o tatou fa’atinoina lelei ai alva.

 “E pei o lo’u iloa i ai, o le itu lava ia tau mea’ai o lo’o lelei, ae pei o tupe lava o lo’o faapea ona fa’aletonu ai lava le tele o nai o tatou aiga i Samoa nei.

Na ia ta’ua o se itu lelei le toe silasila lelei o le malo ina ia fa’apaū i lalo le tele o nisi o oloa o lo’o ua i ai le taimi lenei.

By Ilia L. Likou 05 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>