Ia maua le filemu

By Ilia L Likou 05 November 2017, 12:00AM

O le molimau a Tavita e fa’apea ‘ua taugata le soifuaga’.

Na maua le fa’atalatalanoaga ma le Fofoga o Samoa ma ia fa’ailoa ai lea tulaga e pei ona ua i ai nei.

"Ia e pei o lea lava le tulaga ua i ai nei si o tatou atunu’u i lenei vaitau, ua faigata mea uma, i lo tatou va’ava’ai atu i ai."

“Ua tele lava le suiga o si o tatou atunu’u lea ua i ai, o le itu mautinoa lava a le lelei le fa’asoa e fa’ai’u i le taumafai ona manava."

“E atili pe a maua le totogi alu atu le fa’asoa matua’i le mafai lava ona lava mea uma."

“I a te a’u lava ia, ua tele lava suiga ma ua i ai ma fa’afitauli o lo’o tula’i mai."

Na ia fa’ailoa o se itu e ao lava ona silasila i ai le malo i le taimi lenei.

“E pei o lea so’u ia iloa ua i ai le taimi lenei, ua faigata mea uma, e o’o lava i sau alu ma sau tupe e fa’atau mai sau oloa ia e le umi ae uma."

“O se tulaga popole tele lea i le va’ai atu i ai, aemaise o fanau i le lumanai."

Na ia taua e le tatau ona nofoa’i.

‘O le taimi lava tatou te nofoa’i ai ia ua tatou fia 'a’ai ma o’o atu ai se isi tulaga, ma o se itu leaga tele lea i lo’u iloa i ai.'

‘E ao lava e nai o tatou tagata ona nofo uta ia o’o mai aso leaga, ia ua mafai ona o tatou tali atu, e pei ona ou fa’ailoa muamua atu ua leaga nei aso.'

‘Ae ao lava ina o tatou fa’atino vaega uma ia tali mai mo le tau o le soifuaga ua o tatou nofo tapena i ai.'

Na ia fa’ailoa o se itu lelei tele le silasila mai a le malo.

‘Aua e pei o vaega ia latou te iloa le tele o nai o tatou tagata ua le gafatia le soifuaga.'

E ese mai le taugata o le soifuaga, na ia fautua ina ai le au tapua’i a Toga ma Samoa.

“Ia maua le filemu aua e tasi lava tatou, tu’u i tama ta’a’alo e tau le taua ae omai tatou tapuai filemu, aua o le filemu e maua ai le manumalo."

By Ilia L Likou 05 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>