Fetu iloga: Faailo Malosi mo le faamutaina o sauaga

By Vatapuia Maiava 01 September 2016, 12:00AM

O le galuega e Tasi le Miliona Fetu e faamuta ai sauaga-o se galuega tauiloa lea i le lalolagi atoa ma e o’o lava i se atumotu itiiti e pei o Samoa, o loo i ai lava vaega o loo faatioina le latou matafaioi. O le faamoemoe o lea galuega o le aoina mai lea o le tasi miliona pepa poo lipine o fetu ia Iulai 2017-ia o le a faaalia i lena taimi i Taaloga a le Taupulega. 

O se talosaga mo le 10,000 fetu-ua uma ona fai e Soulful Weavers a Samoa lava ia e aofia ai le Iunivesite Aoao o Samoa-le aufaigaluega ma tamaiti a’oga o le  (N.U.S.) O loo ta’ita’ia e le ta’utinoga-Tausi le Filemu ma Lalaga le 10,000 fetu-o lea vaega ua leva ona taulamua i le una’ia o le faamutaina o sauaga. “E le mafai e fetu ona faamuta sauaga ae mafuli lona taua i le faatinoina o le ata vaaia o le fetu.

 “Tatou te mafuta faatasi ma talanoa e uiga i le mataupu ma le taimi e vaaia ai e tagata fetu, o le a latou iloa ai le ‘auga o le faamoemoe,” o le faaaliga lea a se tasi o Soulful Weavers, o Marie Roader. “O lenei lava fuafuaga e faasino tonu lava i le siitia o le iloa, e faapito lava i le matua tete’e atu i ituaiga uma o sauaga e pei o sauaga e faasaga i tamaitai, faailoga-lanu, fia malosi ma isi lava tulaga.” O lea vaega ua leva ona talimalo i le tele o Weave Jams i le nofoaga o le Iunivesite Aoao o Samoa ina ia maua ai nisi tagata mo le taumafaiga e Taofi Sauaga. 

 “ Na matou amataina talu ai nei le star Weave Jams iinei i le Iunivesite Aoao o Samoa, o le mea lea-o ai lava e fia auai faatasi ma i matou, sau, o le faaaliga lea a Marie.”

 O le “Weave Jams-o le taimi lea matou te faapotopoto ai e avea ma vaega tele ma fai fetu.  Matou te tuuina atu lipine ma matou te a’oa’o i latou e fia auai, pe faapefea ona fai fetu. E tusa ma 15 e masani ona auai e o’o mai  i le taimi nei. “O loo auai foi le aufaigaluega a le Iunivesite Aoao o Samoa i lenei galuega tele.”

E tusa ai ma Marie, ua uma ona faailoa mai e Ausetalia le anoano o fetu e faaalia ai le lagolago a le lalolagi mo le faamutaina o sauaga.

 “O lo matou faamoemoe ia fai se 10,000 fetu a’o le’i aulia le tausaga fou lea o le a faaalia ai i Taaloga,” o le faaaliga lea a le tamaitai.

 “Ua uma ona latou tuuina atu ia fetu i luga i totonu o le Sydney Opera House lea o loo latou faatinoina ai lenei faaaliga tele e 20,000 fetu. 

 “O Atunuu o le lalolagi uma ua uma ona latou faia ni talosaga eseese ina ia auina atu i Ausetali. O le a latou aoina talosaga ia o loo i ai le faamoemoe o le a sili atu i le miliona fetu e manaomia.” Ae umi le ala o le a uia e le Soulful Weavers-ina ia ‘ausia ai le latou numera ua talosagaina.  “E o’o mai i le taimi nei-ua ia i matou fetu i le va o le 300-350,” o le faaaliga lea a Marie. Matou te le’i maua lava le tele o Weave Jams. Na matou amata i le faiga o fetu i le tuuaga talu ai ae na o le tolu Jams ua matou maua. Ae i lenei tuuaga, o loo matou fuafua ina ia maua ni mea se tele.” “O lea tulaga ua avea ma mea fou e fiafia i ai mo le toatele o i matou.” Ae mo Rosa Filoi, o lea taumafaiga tau fetu ua avea ma mea faigaluega taua i totonu o ana vasega i le Iunivesite Aoao o Saoa faapea foi ma polokalame a lana ekalesia. .Ua loa ona matou faaaogaina lea tulaga e avea ma mea faigaluega tau aoaoga iinei i le Iunivesite Aoao o Samoa,” o lana faaaliga lea

Talu ona e faasio lea faamoemoe i ituaiga uma o sauaga, o lea ua matou faaaogaina ai lea mataupu i totonu o vasega e tusa ai ma West Papua, o loo matou faaaogaina fetu e avea ma faailoilo o le faamoemoe mo i latou ona faaaoga loa lea o tamaiti a’oga e talanoa e uiga ii a mataupu i lea nofoaga..Mo le toatele o tamaiti aoga, o lo latou taimi muamua lea ua faalogo ai e uiga ia West Papua ma e tusa ai ma le toatele ua latou iloa, o lea mataupu e faalilo i lea atunuu. “Mo a tatou autalavou a ekalesia, sa matou lalagaina fetu ma talanoa i le fia malosi ae o le a le laasaga muamuamu e fo’ia ai sauaga o loo tulaga lelei.”

Ua mafai foi e le vaega ona aveese le anoano o alii o loo auai e ui lava i le ata masani e faapea o le lalagaina o mea e faapito i tamaitai. “Ua ia i matou ni nai alii o loo auai i le lalagaina ma ua matou maua ai e faapea o se mea lea e faatupu malosi,” o le faaaliga lea a Marie. 

 “E toatele tagata e manatu e faapea o le lalagaina o mea o se mea lea a tamaitai ae le faapena. E i ai se tama ma se atalii sa matou auai i le vaiaso talu ai.

E le faapito na o teine. O loo aafia Ali ii le tele o sauaga e pei o sauaga e faasaga i tamaitai, ma o se mea lelei lea o le aafia ai ma i latou.”

 “Ou te iloa e itiiti ma o le a faagasolo pea mo se taimi itiiti ae le muta ai iina; o le a faaauau pea pea.”. Mo Jerry Ah Kee o se tasi lea o alii o loo finau mo le Soulful Weavers, o le fesoasoani i le vaega ua avea ma finauga faale-tagata mo ona tuafafine laiti. “O le mafuaga autu ua tonu ai ia te a’u ou te auai i lenei taumafaiga  e faapea e i ai o’u tuafafine laiti,” o lana faaaliga lea.. “O le vaaia o sauaga e faasaga ia i latou o se popolega sili lea mo a’u –o le mea lea-o le faatupuina o le iloa o le a fesoasoani lea e taofi ai sauaga, ona ou manao ai lea e avea a’u ma sona vaega. E masani o fai mai tagata i taimi uma o teine o loo mafua ai lea mea ae o i tatou alii –ia e tatau ona tula’i mai. Ou te una’ia alii ina ia auai i nei galuega e pei o lenei –ina ia tatou iloa uma mai o le saua e leaga.

By Vatapuia Maiava 01 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>