Falepuipui se tuagane i lona faia lea o ni uiga matagā I lona tuafafine moni

Tusia Deidre Tautua – Fanene ,

88 Hits

E 22 tausaga o se alii ua falepuipui nei mo le 4 tausaga ma masina e 8 i le ma’ea ai ona fa’amaonia o  ni moliaga o le mataifale ma le faia lea o ni fesootaiga e aofia ai ni gaioiga fa’afeusua’iga ma se teineititi e i lalo ifo o le 12 tausaga e fa’asaga i lona tuafafine moni.

O lenei fa’aiuga sa faia e le ali’i fa’amasino o le faamasinoga maualuga o Leiataualesa Daryl Clarke i le vaiaso na se’i mavae atu nei.

Sa poloaiga fo’i e le fa’amasinoga le fa’asaina ai ona fa’asalalauina le igoa o le na aafia ma le o lo’o tu’uaia e aofia ai le afioaga, aoga ma so’o se fa’amatalaga lava e ono fa’ailoa ai o laua tagata.

O le tama’ita’i loia ia Fuifui Ioane sa tula’i mo le itu a leoleo.

Sa vave ioeina fo’i e lenei ali’i moliaga sa fa’asaga ia te ia i le tolaulauga muamua o lenei mataupu i luma o le fa’amasinoga maualuga.

E tusa ai ma le faatinoinoina o tulaga masani lava o ituaiga fa’amasinoga e aofia ai mataupu faapenei.

Ua poloaiga e le faamasinoga ia le faasaina ai soo se ituaiga auala lava o faaslalauga e aofia ai le au Tusitala ma le televise ona faasalalauina le igoa, nuu, o le o loo molia I le mataupu nei ma le aoga a le o loo molia ma le na aafia e faasaina ai ona faasalalauina.

E tusa ai ma le tolaulauga a le itu a leoleo e fa’asaga i lea alii ma ua ma’ea fo’i ona ia taliaina.

I le va o le aso1 Ianuari 2016 ma le 30 Novema 2016 sa fai ai le o lo’o molia i le na a’afia i lea mataupu, 10 tausaga o lona matua i le taimi lea e la te fetaui i tua o le fale, ma sa mulimuli atu le teinetiti lea i le o lo’o molia i tua i le togavao.

O i sa fai ai le o lo’o molia e tatala ese ona lavalava, sa tatala e le teineititi lona ofuvae vae pupu’u lea sa ia ofuina a’o le o lo’o molia sa tago tatala le ofuvae laititi o le teineititi ma ia faia ai loa ni fesootaiga e aoifia ai ma ni uiga fa’afeusuaiga i lea alualutoto.

Sa ia taumafai foi foi e fai ni fesusuaiga ae lei mafai.

Sa tauvala’au le tamā o le na aafia ma le o lo’o molia i le igoa o le teineititi lea sa toe tui ai laua lavalava ma oese mai loa i le vaega lea.

Lua, e fa’apea i le aoauli o le Aso Gafua 25 Setema 2017 sa matamata le TV a le na a’afia ma le o lo’omolia ma o i sa fai ai le o lo’o molia i le na a’afia e alu e fa’atali mai i tua o le fale.

Sa musu le na a’afia ae sa tauanau lava e le o lo’o molia le teineititi e mulimuli atu ia te ia ae na musu le teineititi.

Sa u’uina loa e le o lo’o molia le sapelu ma fai i ona tausoga o lea o le a e alu e fai ana feau.

I se taimi mulimuli ane sa alu ai le na a’afia e aumai se vaiaisa mai le pusa aisa sa ia vaaia ai le o lo’o molia i fafo sa tauanau e le o lo’o molia le na a’afia e alu atu i le nofoaga o lo’o i ai.

O se taimi mulimuli ane na o’o atu ai le teineititi I le nofoaga lea sa i ai le o lo’o molia.

Sa  fusiina e le o lo’o molia le na a’afia ma kisikisi i lona alafau ma ona laugutu ma sa ia toe fa’atinoina ai foi ni uiga mataga i le na a’afia.

O le to’alua ose tasi o tamaitai mai le aiga o le o lo’o molia lea sa i le nofoaga lea, lea na ia va’aia le o lo’o molia ma le na a’afia ma ia vala’au ai loa i le o lo’o molia o lea na e sola ai loa ma ave lau sapelu.

Sa ta’ua e Leiataualesa o nei uiga sa fa’atinoina e le o lo’o molia e le fa’atagaina ona o le matuiā o le a’afiaga e o’o i le na a’afia.

© Samoa Observer 2016

Developed by Samoa Observer in Apia