Fa’aleleia galuega a le Soifua Maloloina i Tuasivi

Tusia Deidre Tautua – Fanene ,

36 Hits

O le Pule a le Falema’i i Tuasivi, Pili Aliisolia Alatimu o se tagata e ese le faigata e  fa’atalanoa.

E le o se tagata e talanoa ma fai mai ni fa’amatalaga ma o lana ia lava tali tu’usa’o mai lava, “E leai sa’u tali.”

Ae fa’afetaia le aufaigaluega ona o le loto fesoaosani.

Auaunaga o Faata 

(X-RAY SERVICES)

O le taimi nei ua mafaia e Tuasivi ona ofa atu le latou fesoaosani i tagata lautele e ala lea i le latou auaunaga fou lea ua mafai ai ona fai ni faata ina ia fesoaosani atili ai i galuega fai a foma’i.

I le taimi ua te’a o le auaunaga sa tusilima uma (manual) ae e alu se taimi o tau fai ma e le’I fa’amoemoeina foi lea auaunaga.

Ae i le taimi nei ua mafai ona fa’afaigofieina le auaunaga e ala i lea masini ma o le a le toe fesiligia fo’i se fa’aiuga ona o lea ua i ai lea masini e fa’amaonia ai le tulaga o lo’o i ai le gsegase.

Faata fa’apitoa 

(ULTRA SOUND)

O lea fo’i ua i le masini fa’aata fa’apitoa mo so’o se gasegase matuiā. O lenei fo’i faata o le a mafai ona fa’aaogaina e tinā ma’itaga e siaki ai pe a latou fiailoa vave po’o se teine po’o se tama lana tama o lo’o ia tauaveina.

O le potu faata fa’apitoa ua uma ona fatotoga uma i mea e mana’omia i totonu.

Fale Suesue a le Maota 

Gasesgase(LAB SERVICES)

Laaulu Miti Lagaaia ma se tasi o tama’ita’i o lo’o galulue i totonu o le Potu Suesue a le Maota Gasegase i Tuasivi. 

Fale Siaki ai Fofoga 

(EYE CLINIC)

Ua uma fo’i ona fa’atotogaina I meatotino fou ina ia mafai ai e tagata lautele o lo’o aumau i Savaii ona siakiina o latou fofoga e aunoa ma se toe tau omai i Apia nei.

Fale Talavai: O le auauanaga a le fale talavai o lo’o ua uma ona fa’atotogaina auā le auaunaga a le soifua maloloina ina ia mafai ai ona talaina vai ma fualaau mo le mamalu o le atunuu.

Fale Fainifo 

(DENTAL SERVICES)

Ua uma foi ona faaleleia le fale fainifo i Salafai mo e o lo o tigaina i latou olola o le a mafai ona vaai vave le alii tomai fa’apito o nifo ina ia fesoaosani i nai tagata.

Auauanaga Lautele 

(COMMUNITY SERVICES)

O lenei auauanaga ua mafai ona faia fa’apitoa ina ia mafai ai e tagata ona talatalanoa i le aufaigaluega o lo’o i le falema’i e tusa ai ma ni mea o lo’o mana’omia ma so’o se fesili o lo’o latou fiamalamalama ai e uiga i le auaunaga a le Falemai i Tuasivi.

E tusa ai ma le pepa o fa’amatalaga o i foi na fa’atoa a’e se tofā i a Pili e talanoa mai e uiga i le auaunaga.

"E taua tele I soo se vaega o auaunaga ona latou fa’amuamua tagata,” o lana saunoaga lea.

"I totonu lava ia o le falema’i e tatau lava ona ave le fa’amuamua i tagata aemaise o aiga o lo’o sulu mai mo se fesoaosani aemaise o taimi o lo’o i ai latou i mafatiaga o le olaga.

 “Ave le fa’amuamua i gasegase ma ia i ai le lagolago a le falema’i mo so’o se tagata lava o lo’o mana’omia se fesoaosani ma ulufale mai i totonu o le falemai tusa lava poo le a le matua.

 “O le anavatau lea a le falema’i i Tuasivi nei o le fa’amuamua lea o le mamalu o le atunuu ma ia mautinoa e sa’o ma aoga togafitiga o lo’o ave ai e toe fa’afo’isia ai le malosi.” 

E le’i leva tele ona toe fa’afou le Falema’i tele i Tuasivi.

E tusa ma le $6miliona sa fa’aluina i lea polōketi ma sa fa’atupeina e le malo o Niu sila ma Ausetalia.

O lo’o i ai foi le fuafuaga o le a i ai nisi potu taofia se 30 ma ni moega o le a fa’atotogaina ai.

© Samoa Observer 2016

Developed by Samoa Observer in Apia