Ua fiafia ma olioli sui Fou

06 March 2016, 12:00AM

Ilia L. Likou

Faaliliu e Seagaitumua Tupuola 

 

E faigata ona saili poo fea e amata ai e tusa ai ma tulaga faaletonu i le Faiga-Palota Lautele ananafi. O le mea moni e faapea o le a mulimuli ane ona silafia lea e le atunuu nisi o Sui Usufono fou o le Palemene o aso nei I le taimi lava e mae’a ai le faitauga le aloa’ia muamua. 

E o’o mai i taimi sesegi o lenei taeao, e to’atele Sui Usufono fou o le Palemene sa faamanatuina lo latou manumalo ma o latou aiga ma e na lagolagoina.

Sa filo ia i latou Afamasaga Rico Tupa’i, o ia lea sa filo i Sui Usufono fou muamua o le Palemene na faalauiloa anapo. I Aana Alofi Nu. 3, na faato’ilalo e Afamasaga Toeolesulusulu Cedric Schuster o le Tautua Samoa Party i palota e 836.

Ma maua e Toeolesulusulu palota e 709 ae maua e Leituala Vaafusuga palota e 107. “Ua ‘ou lagona le loto maulalo ma le faafetai ina ua filifilia a’u e avea ma Sui Usufono o le Palemene mo Aana Alofi Nu. 3 mo le isi lima tausaga,” o le faaaliga lea a Afamasaga i le Weekend Observer. 

 “E le’i faigofie le malaga ae ou te faafetai i le Atua mo lona faamaoni ma ana faamanuiaga. O ia lava lea ua tini ai lenei fuafuaga. 

 “O le taunuuga lenei o se fuafuaga mamao na ia tuu i totonu o lo’u loto ina ia ‘ou tauva mo le faiga-palota.” Fai mai Afamasga ua sauni o ia e tautua i lona itumalo. 

 “O a lava fuafuaga e faatonuina ai a’u e le malo ou te galue ai i le isi lima tausaga, o le a ‘ou tuuina atu i ai le mea sili ou te mafaia,” o lana faaaliga lea. 

“Ou te fia faafetai atu foi i tagata uma lava mo le latou lagolago i le tele o ala aemaise ai lava Fasito’o-tai ma Vailuutai….ae le faagaloina ai lo’u aiga, lo’u to’alua ma le fanau.” Na ia faafetaia foi Toeolesulusulu. O le isi tulaga uiga ese na faaalia i le nofoa Tu-Taulaga i Sisifo lea na faoa ai e le faipule fou o Faumuina Wayne Fong le nofoa sa umia e Maualaivao Pat Ah Him. Na maua e Faumuina palota e 1100 e faato’ilalo ai Maualaivao lea na ia maua palota e 934, Matafeo Dan Aiafi na tu-tolu i palota e 825. 

“Ua matua faate’ia lava a’u i le taunuuga,” o le faaaliga lea a Faumuina. “E leai sa’u faamatalaga tele e fai atu i le taimi nei talu ai o lea lava e tau faamaopoopo o’u mafaufauga ae ou te matua faafetai tele atu ia i latou uma na Iagolagoina a’u ma lo’u aiga mo mea uma lava na o latou faiga.” 

Na ta’ua foi e Faimalotoa Kika Stowers i lava manatu.  I le Gagaifomauga Nu 1, na ia faato’ilaloina Lavea Ieti i palota e 592 votes. Na maua e lea alii le 445 palota. Ou te faafetaia le lagolago mai a le itumalo,” o le faaaliga lea a le tamaitai. “O le a faaauau pea ona ‘ou tula’i ma avea ma sui o lo’u itumalo i le mea sili ou te mafaia.  O le pogai lea ua ‘ou i ai iinei i lenei aso e le gata i le avea ma Sui Usufono o le Palemene ma ia faapea foi ona galue e avea ma leo o tagata.” 

 

Otootoga o Sui Faipule Fou 

 

I le Anoama’a Sasae, na manumalo Alaiasa Sepulona Moananu i palota e  666 .

• Ua faatula’iese e Ili Setefano Ta’ateo Tolofuaivalelei Falemoe Leiataua mai le Aana Alofi Nu. 2. Na ia maua palota e 814  i le 556 palota a  Tolofua.

• I Palauli i Sisifo, na faatula’iese e Afoa Faleulu Mauli  Agafili Patisela i palota e 652 . Na tu-tolu Agafili i palota e  419 ae na maua e  Leota Lene le 451 palota.

• O le Vaimauga Sisifo  2  ua i ai se Faipule fou. O ia lea o Faaolesa Katopau Ainuu lea na manumalo i le 1453 palota. O Lefau Harry Schuster e 423 ana palota na maua. 

• I  Faleata Sasa’e, na manumalo Salausa Dr. John Ah Ching i palota e 703 . O Aulavemai Tafito na tu-lua i palota e  553.    

• O Sagaga le Falefa na ia toe faafo’i mai Loau Keneti Sio i le Palemene . Na ia maua le aofai o palota e 1423 e faatula’iese ai Tuisa Patea lea na tu-lua i palota e 999. 

• E itiiti lava palota na faato’ilalo ai e Sili Epa Tuioti nPauli Ivan Williams i le  Faasaleleaga Nu. 1 Sasa’e. Na maua e Sili palota e 475 I le  471 a Pauli. 

• I le Faasaleleaga Nu. 2, na faatula’i ese e Pau Sefo Pau  Papali’i Taeu Masipau. O palota a Pau na maua e 708 ae 683 palota a Namualuulu Sami Leota. E 640 palota a Pau na maua.    

• Tuifaasisina Lisati Leleisiuao na maumalo i le tuuga i Palauli Sasa’e, na ia maua palota e  909 Ona o lea tulaga, o lea ua na faatula’ieseina ai Afoafouvale John Moors lea na ia maua palota e 613 votes.

• I le Gagaemauga Nu. 2, Ua toe fo’i mai Faaso’otauloa Pati i le Palemene.  Na ia maua palota e 201 votes faatasi ai ma lona fili e latalata ane ia te ia o  Seuoti Sheryl lea na ia maua palota e160. 

• I Vaisigano Nu. 1-ua i ai se Sui Usufono fou o le Palemene. O ia lea o  Lopao’o Natanielu Mua, lea na ia faatula’iese Tufuga Gafoaleata Faitua. Na manumalo Lopao’o i le  792 palota. 

• O le Minisita o Fesootaiga, o Tuisugaletaua Sofara Aveau, ua faatula’iese mai le nofoa o Vaimauga Sasa’e. Na faato’ilaloina o ia e Sulumanaia Tuiliili Tuivasa lea na ia maua palota e 938 . o paloa a Tuisuga na maua e 813.

• I le Aiga i le Tai, ua faatula’iese Ifopo Matia Filisi mai le nofoa e  Mulipola Leiataua Laki. Na ia maua palota e 1346 a’o Ifopo, lona fili e sili ona latala ane, e na o le 790 palota na ia maua.

• O le Sui Usufono muamua o le Palemene mo Gagaemauga Nu. 2, o Levaopolo Talatonu ua toe foi mai i le Palemene e ave ma Faipule fou o Salega Sasa’e.  I le taimi nei-ua sau o ia o Olo Fiti Vaai. Na maua e Olo palota e 284 e faato’ilalo ai le sui o loo i ai nei o Tapuai Toese Ah Sam lea na ia maua palota e 149. 

• O Salega Sisifo ua i ai nei se Sui Usufono fou. O ia lea o Toomata Akī lea na faato’ilaloina Afualo Dr. Wood Salele i palota e 648. O palota na maua e Afualo e 409. O Aliimalemanu Alofa Tu’u’au ua avea ma sui tauva tamaitai muamua ua na maua se nofoa. Na faato’ilalo e lea Tamaitai Lafaitele Patrick Leiataualesa i le Alataua Sisifo.

• O le ta’ita’i o le Tautua Samoa Party, o Palusalue Faapo II ua to’ilalo i le taua i Safata Sasa’e.  O ia ma le Minisita o Galuega, Manu’alesagalala Enokati Posala ua faato’ilaloina e Lea’anā Ronnie Posini lea na ia maua palota e 957. O Palusalue e 655 ana palota ae na mafai e Manu’a ona maua palota e 610

• I  Siumu, o Faalogo Iosefa Sopi le Sui Usufono fou o le Palemene, na faato’ilaloina Tuu’u Anasii Leota. Faalogo lea na ia maua palota e 718 ae 672 palota a  Tuuu.

• O Toleafoa Ken Poutoa na manumalo i le taua a Lefaga ma Faleaseela i palota e 895. O Sua Tanielu na tu-lua i palota e 697 a’o Lemalu Siliva na tulaga tolu i palota e 434.

• O Nonu Lose Niumata na manumalo i le tauvaga a Safata Ssa’e. Na ia maua palota e  520, i luma atu o Leota Suatele, 375 palota ma  Laumatiamanu Purcell e 376 ana palota. 

• O Fuimaono Samuelu Teo na manumalo i le tauvaga a Falealili Sasa’e. O le aofai o ana palota e 409, na mafai ai e ia ona sili ana palota i ona fili  o Fuimaonon Esera Rimoni, e 22 votes, Tofua’eofo’ia  Falefa Lima, 27 palota, Fuimaono Alex Wright, 312 ma Maiava Viiga 202.

06 March 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>