Taua o le Ola A’oa’oina

By Ulimasao Fata 06 December 2017, 12:00AM

O le ola a’oa’oina o le auala lea e mafai ai ona suia ai le lalolagi.

O le saunoaga ma le talitonuga lea o le Tina matua ia Maria Taulu, 55, le matua o le soifua mai le afioaga o Nofoali’i.

Na maua le avanoa a le Tina ia Maria e talanoa ai I le Fofoga o Samoa a’o ia aga’i atu I le laugatogi a lona alo I le kolisi o Nu’uausala.

Na ia saunoa ai e leai lava se isi auala e tutusa ma le ola a’oa’oina.

“Ua tatou silafia uma le tau ua iai nei le tau o le soifuaga o Samoa, ua le’o toe lelei foi ona ua matua taugata lava.

“Ou te talitonu ua na’o le aoga lava le auala e mafai ai ona fa’afesagaia le taugata o le olaga ona o le ola a’oa’oina lelei e mafua ai ona maua galuega lelei.

“O le tau o le soifuaga ua iai Samoa nei ua le’o I se tulaga lelei ma o se lu’itau lea mo matua uma lava o Samoa ina ia una’i pea le fanau I a’oa’oga.”

Na saunoa foi le Tina ia Maria o ta’aloga o le isi lea auala o le ola a’oa’oina.

“Ua tatou silafia foi ua to’atele lava fanau Samoa ua fa’apena ona maua atu avanoa e fa’apena ona Malaga ai I fafo I avanoa sikolasipi mai ta’aloga.

“Ua tatou vaai foi I le fanau ua fa’apena ona maua avanoa e ta’aalo ai I tulaga maualuga lava o le lalolagi ma au lelei I fafo ma o vaega uma nei o a’oa’oga.”

Na ia saunoa ai foi fa’amalosiau I matua uma o Samoa ina ia aua ne’i vaivai e una’i le fanau I a’oa’oga.

“O le tatou matafaioi fai fa’atasi lea matua ina ia una’i ma fa’amalosiau I le fanau ia uma aoga aua e tele manuia o lo’o fa’atali mai ai I tua o lea tulaga.”

By Ulimasao Fata 06 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>