Ua taia foi e le ‘Au-gaoi le S.V.S.G.

07 January 2016, 12:00AM

Tusia - Deidre Fanene

Faaliliu e Seagaitumua Tupuola

O le galuega na fai e tagata gaoi I le faagasologa o le vaitau o Fiafiaga ua tuuina atu ai I le Vaega o le Toomaga mo e Puapuagatia  (S.V.S.G.) se amataga leaga o le 2016. O le aso ina ua mavae le Kirisimasi, na talepe ai e tagata gaoi le ofisa o le Vaega o le Toomaga mo e Puapuagatia  lea e soso’o ma le nofoaga o Leoleo i Apia, ma ave ni mea e matua aoga tele i le latou galuega. O le talepeina o lea nofoaga na faamaonia e le Peresetene o le Vaega o le Toomaga mo e Puapuagati, o Siliniu Lina Chang.

“O lenei tagata poo tagata na latou tata’e le faamalama i luma o le faitoto’a tele ma ui atu ai i totonu,” o le faaaliga lea a la tamaitai.

Na ave e le tagata gaoi poo tagata gaoi la matou TV tele mafolafola, se masini komepiuta lea e faaaoga mo la matou galuega faatasi ai ma le matou leitio tele na foa’I mai e nisi o Samaria Agalelei mo le faaaogaina i totonu o lo matou ofisa.”Fai mai Siliniu o lea faalavelave ua tuua ai o ia ma le aufaigaluega o ni tagata ua le fiafia.

“Matou te le’i iloa lea tulaga ae ina ua matou o mai i le taeao o le Aso Lua –na matou  vaaia ai le faamalama i luma ua ta’e.” Ina ua fesiligia pe o ai na te iloa na faia lea tulaga, fai mai Siliniu e leai. “Ua uma ona matou tuuina atu lea mataupu i Leoleo.

 “E anoano tulagā-lima i luga o laulau ma luga o faamalaga ia na ui mai ai i totonu le gaoi. Matou te taliton e le o se galuega lenei a se tagata e to’atasi.”

Na toe ta’ua e le Peresetene e le malamalama pe mafai faapefea e se tagata faatautala ona talepe ma alu i totonu o se ofisa na faatupe lona tulaga tele e tagata alolofa ma le faamoemoe lelei o Samaria Agalelei.

“Ua palapalā vaega uma,” o lana faaaliga lea.

 “O le itu e faafetai ai, latou te le’i faaleagaina soo se isi lava mea

 “O se mea uiga ese foi latou te le’i ulufia lo’u ofisa, Masalo e pau lava le mea na latou manana’o i ai –o mea ia ua ave.”  

Talu mai ona faavae le Vaega o le Toomaga mo e Puapuagatia lea ua sili atu i lo le 10 tausaga talu ai, o le taimi muamua lenei ua gaoia ai lo latou ofisa.

O se mea uiga ese lea talu ai sa matou i lo matou ofisa tuai-ae leai lava se mea faapenei na tupu “O se mea uiga ese foi ona e leai se tasi na faalogo i se mea pe na vaai i ai. Matou te faamoemoe o le a mafai e Leoleo ona fo’ia vave lenei mataupu.”  

Sa le mafai ona maua mai se manatu faaalia o Leoleo i lenei mataupu ananafi.

07 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>