Ola galue e atia’e ai aiga

By Deidre Fanene 07 February 2017, 12:00AM

O Uelese Niutini lea 46 tausaga mai le afioaga o Lepea.

I le la faatalatalanoaga ma le Fofoga o Samoa sa faaalia e Niutini o le olaga lenei ua tatou i ai o se olaga e pito sili ona faigata.

“O le mea lea i ai a le galue le tagata e le ai.

“A le gaioi e leiloa pe faapefea ona tausi le aiga.

“Ua matua’i taugata lava le soifuaga ae le faapea o le a tatou faamoemoe ma nfonofo lava i lea taugata.

“E tatau ona tatou galulue ina ia maua ai le manuia o le aiga aemaise lava le fanau.

“o a’u lava ia e leai sesi o maua ma le tinā e faigaluega ae ou te alu faatau fua o a’u fa’aeleeleaga e maua ai se tupe e faatau ai se suka ma se eleni o le afiafi.

“Poo le a le mativa i fea a maua le fiafia i le aiga o le itu pitosili lena ona taua i soo se aiga lava.”

Sa ta’ua fo’i e Niutini o le olaga lenei e le na’o tupe e ola ai ae o le ola fiafia.

“O isi a leai ni tupe pei a fetagisi ae leiloa o tupe o le tasi lea fili o le lalolagi aua e leai se nofo fealofani e maua mai ai.

“Pau le itu lea out e iloa e a’u ia e tausi ai le fanau o lo’u fanua e pei ona e silasila mai i ai e fai le ma togā pi ma le ma isalaelu ma fai.

“O mea ia out e alu faatau i luma o le auala e maua mai ai le tupe e faatau ai sina eleni ia o le afiafi.

“E tatau ona tatou faafetaia le Alii ona e le’o pei tatou o isi tagata o isi atunuu o loo fiaaai ma leai ni fale o nonofo ai.

“Ae o tatou o loo maua le fale e nofo ai o loo maua meaai i lea aso ma lea aso ma e moni e leai ni tupe ao lea lava e alofa le Atua I ai tatou ma foai lava le malosi aua le feagai ai ma tiute ma galuega ua uma ona ia totofi ai tatou.

“O lo’u la manatu i le mataupu o loo sologa lelei lava mea uma i le alofa o le Alii ma o a faafitauli o loo feagai ma tatou e le faatusalia i faafitauli o loo feagai ma nai isi tagata i isi atunuu.

By Deidre Fanene 07 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>