Fa’atautō Komesina o Falepuipui

Tusia Deidre Tautua-Fanene ,

57 Hits

Komesina o Falepuipui, Taitosaua Edward Winterstein.

Komesina o Falepuipui, Taitosaua Edward Winterstein.

O le Komesina o Falepuipui, Taitosaua Edward Winterstein, sa fa’atautoina i le Aso Gafua i le Fa’amasinoga Maualuga e le Fa’amasino Sili, Patu Tiavasu’e Falefatu Sapolu.

O Taitosaua o le ulua’i komesina lea o le auauanaga a le matagaluega o falepuipui ina ua tu’ueseseina le auanaga a le falepuipui ma le matagaluega o leoleo I le tausaga e 2014.

O lea la ua toe tofia o ia e le Kapeneta e n ate toe tauavea le tofi o le komesina mo lesi tolu tausaga.

O le soifua auauna o Taitosaua sa amata mai i le totonu o le malo i totonu o le Matagaluega a le Palemia ma le Ofisa o Va’ai tau mai le tausaga e 1976-1982.

Sa soso’o ai ma lona tu’ua ai o le atunu’u mo Niu Sila mai le tausaga e 1982-1989 alu ane ai lea i Ausetalia mai le tausaga e 1990 – 2007.

Sa toe taliu mai ai e avea ma fa’auluuluga o le Environment and Renewable Energy i totonu o le Ofisa o le S.R.O.S. Ii le tausaga e 2007 -2013.

O Taitosaua e sau mai le afioaga o Safune ma Asau ma o olo’o ia umia se fa’ailoga maualuga mai le Univesite o le Pasefika i Saute.

Sa a’otauina o ia i le kolisi maualuga o Sagao Iosefo a’o le’i fa’aauauina ana taumafaiga i atunu’u mamao.

O Taitosaua ua fa’aipoipo nei ma e to’alua ona alo.

© Samoa Observer 2016

Developed by Samoa Observer in Apia