Faataua le taua o Tina- ia maua ai le filemu ma le fiafia

By Aruna Lolani 08 May 2017, 12:00AM

Ao sauna atu ai le atunuu aemaise le atunuu atoa i le faamanatuina o le Aso Sa o Tina i le faaiuga o lenei vaiaso, e tasi lava se miti a se tasi o tina fitu-valu tausaga le matua ina ia maua e lona aiga le fiafia ma le galuylue faatasi

O le tina ia Faaiu Taufafo e to’avalu lana fanau ma o lana lea vaisu i aso uma o le galueaina lea o lana togalaau aua le faamatagofieina o lona fale ma le auala tele

I le mau a le tina o tausaga e le taua lea ia te ia  aua o lo’o maua lava lona malosi e fai ai ana galuega i aso uma

“O la’u galuega lava lea e fai i aso uma lava ma out e fiafia lava iai e fai aua o lo’o maua ai lo’u malosi” o lana tala lea i le Fofoga o Samoa“E faimai lava la’u fanau out e malolo i le fale ma out e le manofonofo out e vaai atu o faaletonu mai se mea se tasi

“O nisi tagata faapea loa a matutua ua le toe aoga ini galuega a’o ‘u out e galue lava manu o maua le malosi mai le Alii“Vele vao ma toto nai laau o a’u galuega ia o lo’o fai matou te galulue faatasi ma fanau a a’u fanau aua out e manao ia ola ma tutupu a’e e iloa foi fai feau.

O le talitonuga o le tina o le tiute faale-tina e le’o se mea faigofie aua a l.eai se tina e le maua  se fiafia i totonu o aiga

“Ua tatou iloa uma lava le taua o le tina i totonu o aiga e n ate faia uma lava feau i so’o se taimi o le aso

“O le aoaiga foi lena o fanau ina ia iloa lelei o lo’o ola ma iloa fai feau

“Aua a o’o foi i lo latou taimi e fai ai aiga a la e iloa le mea e tatau ona fai

“A leai se tina e le mafia ona faatino ni feau i totonu o aiga o le faiga o meaai  o tagamea ma le tele lava o nisi o feau i totonu o aiga

O lenei vaiaso ua faagasolo mo le faamanatuina o le taua o Tina ma lo latou sao i aiga o le tala mai a le tina ia Faaiu ia maua e aiga le filemu ma le fiafia e afua ma ii tina

“O nisi o tina ua alu sese o latou taimi i mea le aoga ae e tatau ona faamuamua o latou aiga ma mea fai“Ma e tatau foi ona tatou faafetai i Tina aua ana leai tina i totonu o aiga e le maua se fiafia

“Ma e moomia ai lava le atia’e faatasi o tina ma fanau mo le manuia o fanau

Ma o lana maitau foi e moni lava ua tele le eseesega o nei aso ma la aso ma e n ate talitonu lava i le alofa faale-tina

“Po o a mea e tutupu i le olaga e tatau lava i tina ona onosai ma ia malosi mo aiga ma fanau

“Tusa lava po o le a le taugata o le soifuaga e faia mea uma ma le loto fiafia aua manuia o aiga ma fanau

By Aruna Lolani 08 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>