Mae’a ona pasia ni tulafono fou i totonu o le afioaga o Vaimoso

Tusia Deidre Tautua-Fanene ,

29 Hits

Taitaifono o le Komiti o Tulafono o le Afioaga o Vaimoso, Aulavemai Asiata Tafito.

Taitaifono o le Komiti o Tulafono o le Afioaga o Vaimoso, Aulavemai Asiata Tafito.

Ua mae’a nei ona pasia ni tulafono fou e le Komiti o Tulafono a le afioaga o Vaimoso e fa’atau lea i le fa’aaogaina o fuāla’au fa’asaina e tama fanau a lea afioaga.

O nei fa’aiuga ua pasia o le a mafai ai e le Komiti o tulafono fa’apea ai ma alii ma faipule o le afioaga ona tafi esea so’o se tagata lava o le nu’u pe afai e maua o fa’aaogaina fuāla’au fa’asaina i totonu o le nuu.

O lenei mataupu sa fa’amaoniaina mai e le Taitaifono o le Komiti o Tulafono o le Afioaga o Vaimoso, Aulavemai Asiata Tafito i le la fa’aatalanoaga ma le sui o le Samoa Observer i le Aso Lua.

O lesi vaega o lea tulafono ua uma ona pasia o le i ai lea o le aiā tatau i le komiti latou te momoli aloa’ia ai lē o le a a’afia i le Ofisa o Leoleo auā le faia ai o su’esu’ega ma fai ai moliaga pe afai ae fa’amaonia.

“O Vaimoso ma ana tulafono e fau lava e ali’i ma faipule mai lea taimi ma lea taimi ma ua i ai lava le komiti faapitoa ale nu’u e iloiloa tulafono,” o le saunoaga lea a Aulavemai.

“E tilotilo i fa’afitauli e aliae’ mai i totonu o le nu’u, aiga ma tupulaga talavou aemaise lava le puipuiga o soifua o tagata vaimoso uma lava e ala I ana tulafono.

“E iai lava tulafono a le malo ae o Vaimoso ma so’o se nu’u lava i Samoa e i ai lava latou tulafono e lagolago ai tulafono a le malo.”

Sa fa’ailoa mai fo’i e Aulavemai o se taimi muamua lea ua tula’i mai ai lenei mataupu o le mauaina lea o nis fuala’au fa’asaina i se tasi o le nuu.

“O se mea fa’atoa alia’e mai o le mauaina lea o ni maluana mai se tasi o lenei nu’u.

“E moni sa tupu muamua ae ua na’o ni tala sa fa’alogo iai a’o lea fa’atoa tupu mai se mea fa’apea ona o se ali’i o le nu’u sa maua ai se maluana i totonui o le taga o le ofu.

“Sa iloilo i le nuu ma le pulenuu ma sa matou amia foi le aiga ma matua ma le na a’afia ina ia omai matou te faafesaga’i.

“O i sa fesiligia ai loa se tofā ma se fa’autaga a le nu’u atoa i se fofō e fo’ia ai le fa’afitauli lenei ua tula’i mai o le maua lea o le maluana i totonu o le nuu.

“Sa autasi ai uma le komiti fa’apea le nu’u:

1. O le a fa’ate’a ese ma le nu’u le tagata e maua o ‘umiaina fua’alaau fa’asain.

2. O le a o sui o le nu’u ma le pulenu’u e momoli le tagata lea i le OFisa o Leoleo ina ia fai ai su’esu’ega a aleoleo ma fai ai moliaga pe afai lena e fa’amaonia tu’uaiga.

“O le i’uga lea sa fai i le Aso 13 Ianuari i le fono muamua ale nu’u i le tausaga lenei  ae peitai e su’e atu le tamaititi ua sole ese ma le nuu.

“Sa alu atu le tamā o le tamaititi fesiligia le i’uga a le nuu o le Aso 3 lea na i ai sa fai ai e alu e sue mai lona atalii.

“Na poloaiga e le nu’u le aiga lea i le Aso To’anai a ta le 1 i le aoauli e le’i o’o mai le tamaititi lea i le nuu o le a fa’asala loa ma le aiga lea pe afai ae le o’o atu le tamaititi lea.

“Sa usitaia e le tamā lea le poloaiga ale nu’u ma latou fa’atinoina ai se ifoga i le nu’u ma o a’u na faaulufalea le ifoga ina ua talia e le nu’u ae peita’i sa i ai lava aiaiga.

“Sa finagalo le nu’u o le a fa’amagalo e le nu’u ma ave’ese ai e le nu’u le fa’ate’aeseina o le tamaititi ma le nu’u e pei ona i ai le fa’ai’uga i le Aso 13 Ianuari, 2018.

“Ae peita’i e le’i fo’i ai le nu’u i lana tulafono o le momoli aloa’ia lea i le Ofisa o leoleo, sa fa’apea ona fa’ataunu’u lava tulaga ia.

“E le’o fa’alafia e le nu’u ana tama fanau i tulaga ia ona afai e le uia ala ia o le a toe alia’e mai f’oi pe ana fa’apea e le faia tulaga ia.”

Sa fa’afetaia fo’i e leoleo le lagolagosua a leafioaga nei.”

© Samoa Observer 2016

Developed by Samoa Observer in Apia