Fia maua e Monty se galuega

Tusia Deidre Tautua-Fanene ,

46 Hits

Monty Papali’i, 19 tausaga mai le afioaga o Nu’u Fou.

Monty Papali’i, 19 tausaga mai le afioaga o Nu’u Fou.

E ala ona naunau lesi tagata e su’e se lumana’i manuia ona o lona alofa i lona aiga.

O le ali’i lenei o Monty Papali’i, 19 tausaga mai le afioaga o Nu’u Fou.

Sa ta’ua e Papali’i i le Fofoga o Samoa lona manaoga o le fia maua lea o sana galuega.

“Na mae’a la’u aogai le tausaga e 2014 i lekolisi maualuga a Maluafou.

“Sa ou aveina le mataupu o le fa’atufuaga ae i lea taimi sa ou naunau ou fiafia i mea tau ta’avale o lea na ave ai la’u fa’ainisinia.”

“Sa maua la’u galuega muamua o le ave pasi ae e le’i umi lava se taimi sa ou ave pasi ai.”

Sa fa’ailoa mai fo’i e Papalii o lo’o i ai ona uso matutua atu o lo’o aumau i atunuu mamao o latou ia o lo’o fesoaosoani tele mai i le tausiga o le latou aiga  i le itu tau seleni ma fai mai latou fa’atau o le vaiaso.

Sa ia ta’ua fo’i e taumafai lava e fesoaosoani i totonu o lona aiga i so’o se mea lava.

“Ua taugatā tele le tau o le soifuaga lea ua i ai.

“A le faigaluega la le tagata, e i ai lava le avanoa o le a safa ona o le si’isi’i i luga o le tau o oloa o lo’o mana’omia i aso uma.

“E to’atele matou a’o le taimi lenei ua toe lava na’o a’u ma nai o’u matua ma isi o’u uso laiti e to’atolu a’o isi ua fai lava latou aiga.

“O le taimi fo’i lenei o lo’o taumafai pepa mo Niu Sila ina ia toe fa’aauauina aoga.

“Ae ou te le mana’o ou te toe aoga. 

“O le taimi nei o le faigaluega lava ma toe totogi le tigaina o nai o’u matua sa i ai i le taimi a’o aoga.

“O a’u e lona lima i le fanauga.

“O le taimi nei a maua le galuega o le a mafai ai ona tausi matua ma le aiga.”

Afai e te fia fesoaosani i a Monty fa’afeso’ota’i le numera 7787125.

© Samoa Observer 2016

Developed by Samoa Observer in Apia