Galue mo aiga

By Fetalai Tuilulu’u 08 May 2017, 12:00AM

 “Ia o le taimi lenei o so’o se tasi lava e te fesili ai po o le a se mea o fa’amuamua i lenei taimi, o le tali masani lava o le fa’amuamua o aiga” Brown Valai o Lufilufi.

Na maua le fa’atalatalanoaga a Valai ma le Fofoga o Samoa o lo’o aga’i mo galuega masani o le aso.

“Ia e pei o le tulaga lena o lo’o ua tatou maitauina i lenei vaitau aemaise o le fa’amuamua o lo’o ua ave e tagata i a latou tulaga e pei ona ua i ai nei.

 “Ou te leiloa lelei i sau oe fa’avasega mai, ae e pei o lea lava le tulaga o lo’o i ai tatou Samoa i le taimi lenei.

 “Ian a alu lava lo’u to’alua le tausaga ua te’a ma ave la ma tama ia o le taimi lenei ia o lo’o ua ou nofo lava a’u lo matou aiga ma va’ai lo’u tinā.

 “O lo’o o’u faigaluega i a Grey ia ma na’o a’u le tagata o lo’o galue mo le aiga aua le tausiaina.

 “Ia e pei o lea lava le tulaga o lo’o ua i ai le taimi lenei, ua faigata lava le soifuaga aemaise lava le tulaga i le leai o ni tupe maua aua lava le aga’i atu le lumana’i.

 “O isi ou tei laiti e to’alua o lo’o i le aoga ae pei o lo’o ave lava le fa’amuamua mo le tausiaina o si o’u tinā.

 “E pei o le uiga lea o la’u tala o tupe lava mea uma o lo’o ua tatou i ai nei.

 “O tupe o lo’o tatou maua ia e fa’alagolago lava i ai le tele o mea i aso uma.

 “Ia o le fa’afetai lava i le Atua i aso uma ona o lana fesoasoani mai o lo’o mafai ai pea mea uma.

 “E ui lava la ina misia mafutaga, ia ae o lo’o solosolo lelei pea i aso uma…ia o le taimi lenei ou te le’o va’ava’ai i se isi pa’aga ae pei o le taumafai lava ina ia tausi pea le aiga.

By Fetalai Tuilulu’u 08 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>