Fesoasoani i aiga

Tusia Ulimasao Fata ,

39 Hits

Finau Lino

Finau Lino

O le aso ananafi na maua ai e le Fofoga o Samoa le fa’atalatalanoaga ma le ali’i o Finau.

Na ia fa’ailoa o le vaiaso fou a latou laugatogi ae o le taimi lenei ua nofo e fesoasoani i feau a lona aiga.

“Ia na o matou usu mai ma nai o’u tei e fa’atau koko ese mo se tupe fa’asili o si o matou aiga.

‘E ui lava e le’i uma aoga, ae ou te iloa ia e tele lava i aoga pese o lo’o ua fai le taimi lenei ma e pei o lea lava le mafua’aga ua mafai ai ona ou faatino vaega nei.

Na ia ta’ua o se itu lelei tele le ola fesoasoani ai aiga.

“Ia e pei o lo’u ia lea iloa i ai, o lea fo’i o le a tu’ua aoga o se itu fa’afiafiaina ai tele le taimi lenei pe afai ae mafai ona faatino mea uma mo le lelei alu i luma.

“Ua o tatou iloa uma lava le faigata ua i ai nei aso, e le mafai ona fa’atino o so’o se vaega pe afai tatou te fa’atu’utu’u i le olaga o lo’o ua i ai nei.

‘O se itu taua i a te a’u lava ia, o le fesoasoanii matua ma fa’aaoga tatau le taimi.

E $80 le tupe na mafai ona maua i le fa’atauina ai o le kokoesi.

“Ia o lea lava le tulaga o lo’o ua i ai nei, e usu lava i tai ona toe fa’atali fo’i lea o se lifi e sau ai uta nei.

“Ma o se itu lea e tau fai ma fa’afitauli ona e fai sina maomao mai tai, ae fa’afetai o lo’o gasolo lelei mea uma i lo’u iloa i ai.

“Ae pei o le taimi lenei ia o lo’o i ai lava le fa’amuamua o o’u matua mo i matou e o ai le aoga.

© Samoa Observer 2016

Developed by Samoa Observer in Apia