Ia lototetele

By Ilia L Likou 08 December 2017, 12:00AM

O le olaga fa’atinā o se itu taua lea i totonu o so’o se aiga.

O lea le finagalo o le tinā i a Molimau Tuitumua o Faleula i le fa’atalatalanoaga ma le Fofoga o Samoa i le aso ananafi.

“Ia e pei o lea lava le tulaga olo’o ua matuai taumafai ai lava i le taimi lenei, o a fa’afitauli ia e taumafai lava ina ia alofia.

Na ia fa’ailoa e le’o toe faigofie nei aso.

“E pau lava le tulaga e ao ona o tatou va’ava’ai i ai o le taumafai lava lea ina ia aua ne’i aloe se mai fa’afitauli.

“O fa’afitauli lava ia o itu lelei lea mo le tapueina lelei o le soifuaga o so’o se tagata soifua.

“O lo’u ia lea iloa i ai le taimi lenei, o se itu taua lea i lo’u iloa i ai, e pei o le to’atele lava ia ua avea lava fa’afitauli ma vaega faigata ai le soifuaga.

“Ae o le ola e taumafai ma tumau ai pea i le olaga nei, o se itu taua tele lea.

Na ia ta’ua o se itu e ao lava ona va’ava’ai ai le taimi lenei.

“O lo’u ia lea iloa i ai le taimi lenei, o a tulaga faigata o lo’o ua tatou taumafai i ai,  ia o lena lava.

“E leai lava se mea e mafai ona o tatou fa’atinoina e aunoa ma lo tatou taumafai e una’i pea le ola e tumau ai nai o tatou fanau.

‘Aua le fa’avaivai ae ia una’i pea lo latou ola taumafai ,aua ua le toe faigofie nei aso i le olaga o lo’o ua i ai nei.

“E i ai fa’afitauli ae o le ola e mautinoa lelei ose itu taua tele lea i lo tatou ola ma lo tatou va’ava’ai atu ai.

“Ia manatua o aoga mea uma.

By Ilia L Likou 08 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>