Taumafai pea aiga

By Ilia L Likou 09 January 2018, 12:00AM

O le leai ai o se eletise o se itu faigata tele lea o lo’o ua feagai ma le tamā ia Ulugia Fa’alavelave ma lona aiga o Tapatapao.

O se itu ma o se fa’afitauli fa’aauau ua tele ina o latou fesagai ai taimi uma ma o lo’o ua tau fai ai pea se vaifofo e o’o mai le taimi lenei.

I le  fa’atalatalanoaga ma le Fofoga o Samoa na ia saunoa ai o le tele o aso e fai uma mea uma a’o ao aua a o’o ina po e pei o lea le itu faigata e feagai ma le aiga.

O se itu pito sili ona faigata ona o le le lava lea ole fa’asoa mo se moli eletise i le taimi lenei.

“Ia ua o tatou iloa uma lava le taugata o le soifuaga o lo’o ua i ai nei, ia o lo’o taumafai lava aua e le tutusa ai pea aso uma.

“E pei o lea lava le faigata o lo’o ua i ai nei, o lo’o i ai lava sina fa’ato’aga lea o lo’o tua ai le taimi lenei, ae pei ole faigata lava o lo’o ua i ai nei o le leai lea o se tupe e fa’atino ai le tele o vaega mana’omia o lo’o ua i ai nei le soifuaga.

Na ia fa’ailoa foi o le leai ai o ni moli o le auala o le isi lea faigata o lo’o ua feagai nei ma lo latou aiga.

“Ia e pei o lea lava le tulaga faigata o lo’o ua i ai nei ona a o’o ina po e matua’i pogisa atoa lenei lalolagi ona o le leai o se moli.

O le isi tulaga na ia ta’ua o letaumafai ai lea e fa’alelei lo latou fale.

“Ia o manaoga lava ia , ae o lo’o ua fuafua lava i se tupe maua, ua o tatou iloa uma lava le taugata o le tau o le soifuaga o lo’o ua tatou ola ma soifua ai le taimi lenei.

“O lea le itu faigata tele, o le itu taua o le mafai lea ona va’ava’ai pea le lumanai aua ni suiga lelel e le gata mo le atunu’u atoa ae o aiga ta’itasi.

By Ilia L Likou 09 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>