Tali le Palemia e uiga i ni tu’uaiga o lo’o tu’ua’ia ai ia

Tusia Deidre Tautua-Fanene ,

55 Hits

Palemia o Samoa Tuilaepa Dr. Sa’ilele Malielegaoi.

Palemia o Samoa Tuilaepa Dr. Sa’ilele Malielegaoi.

Ua tali le alii palemia i tu’uaiga ma faitioga ua faasalalau i luga o upega tafailagi (facebook) e faatatau i se tusi sa ia tusia ma ia sainia lea o lo’o ave i ai finagalo i nei tagata e feso’otai i le tagatavaleina o se tasi sa avea ma Minisita i tausaga ua tuana’i le afioga i a Luagalau Levaula Kamu.

“O mea o le faitatala ma faigatala ae aumai i se tulaga foi lele e le ta’u maia igoa,” o le saunoaga lea a Tuilaepa i lana polokalama ma le TV1 Taimi ma le Ali’i Palemia.

“O lea ua ou iloa ae e pau le mea lea fai e tagata ia o le taufaaleaga.

“Ae na aumai la le tusi o’u tilotilo i ai o le mea muamua o le matuā fa’avalevalea o lea tusi, e tasi a la’u tilotilo i ai ou te le’o malamalama po’o le a le uiga.

“Auā o le tusi e pei e foliga mai na tusi i le 2007 a’o lea e tusi i lalo i le igoa Auelua .T.

“O Auelua T. na o le tasi a le Auelua T na’o Auelua Tuilaepa, ae fa’atoa ou Auelua nei i le 2015. 

“O le mea muamua na e iloa ai le fa’avalevalea o le mataupu, o le mea la e pei e tusi atu e a’u ia te a’u masalo o le naunau o le tagata lea na tusia le tusi ma saini sese ai lo’u igoa ua galo ai le mea lena.

“E faigofie a la, e tasi a la’u vaaiga iai ae te fiu e faitau e te le malamalama po’o le a tonu le mea lea e agai i ai . 

“Ia te a’u a ua ua ou fiu e faitau ou te le malamalama po’o le a tonu le mea o loo agai I ai.

“O le ala lena lea ou te leo fa’atā’ua ai, a’o lea foi la ua ou tu’u atua i officials ua o’o loa i le taimi ua tatau ona fa’agaioi loa ia se faiga i tagata nei.

“E manatua fo’i sa ou fai atu ou te musu e fa’alauiloa igoa, leaga e to’atele tagata o o’u aiga e fa’a-le-lelei le mafaufau, ne’i te’i ua lavea ai se isi o latou.

“Ae o le tulaga lena ua le mafai ai ona toe taofiofi le malo masalo ua tatau loa ona fai iai se faiga.

“O lea ou te iloa uma latou nei.”

Sa fesiligia fo’i le ta’ita’i o le malo pe fa’amaonia o lea ua maua maumaututu lava e se tasi o alii Amerika e iai lona tomai faapitoa e saili ai latou ma ua iloa foi suafa o i latou ia.

Ae peita’i sa tali Tuilaepa e le mafai on ia fa’ailoaina le itu lea.

“E le mafai ona ou ta’ua atua, e aumai a e le facebook igoa o latou nei, e le  mafai la ona ou ta’u atua i le taimi nei,” o le saunoaga lea a Tuilaepa.

“E ala ona ou fai atu fa’apea masalo e fa’apea le vaega lea e lilo, e leai a mase mea e lilo, ae a o’o loa i le taimi e fa’agaioi ai oa ona silafia loa lea e le atunu’u.”

Sa ta’ua fo’i e Tuilaepa o le taimi muamua lea ua ia silasila ai i le tusi lenei o lo’o pisa ai le to’atele.

“Fa’atoa o’u vaai a lea iai, ae ou te fiu e faitau ou te le malamalama ai, po’o le a tonu le mea lea e aga’i iai,” o lana saunoaga lea.

“O lesi itu e fa’avalevalea ai le tusi, pei o se tusi o lea e tusi atu e a’u ia te au.

“E leai se tagata ola e nofo ma toe tusi se tusi e ave ia te ia, ona o la’u va’ai i le ulutala lea e ave ai o Auelua T na e tusi ai.

“E aumai a e le Alii le auala e ta’u mai ai o le mea valea, a o la’u va’ai la iai leaga e faigofie ona kopi e tagata la’u saini ma ua iai foi tagata ua molia ma falepuipui i le fa’aaogaina o la’u saini e pei la e foliga mai o ni tusi e avatu ia te a’u, a ua iai la tagata ua falepuipui ai.”

Silasila lau afioga I le tulafono lea ua toe pasia e le kapeneta ma le malo, e pei e foliga mai e māmā faasalaga pe a fua i ituaiga tuuaiga aemaise o le tau faaleaga o le suafa e aunoa ma ni faamaumauga?

“E le mafai ona tatou talanoaina lena mea ,e leaga o le matafaioi lena a le fa’amasinoga e le mafai ona o’o iai se tatou leo e pule a latou.”

© Samoa Observer 2016

Developed by Samoa Observer in Apia