O le mafatiaga ona o le leai o se eletise ma se suavai

Tusia Deidre Tautua-Fanene ,

21 Hits

Luafitu Meausa mai le afioaga o Tuana’i.

Luafitu Meausa mai le afioaga o Tuana’i.

E 60 tausaga o Luafitu Meausa sa ia fa’aalia lona mafatia ona o le fa’aleagaina o lana fa’atoaga ona o timuga ma lologa.

O Meausa e sau mai le afioaga o Tuana’i.

Sa feiloa’i lea tamā ma le Fofoga o samoa o lo’o aga’i atu e ao mai ana talo ma ana ufi ua fa’aleagaina uma i lologa.

Sa ia ta’ua fo’i e leai se tasi o lona aiga e faigaluega ae to’atolu nai ona alo olo’o ao’oga uma.

“E matou te fa’alagolago i le fa’atoaga e maua mai ai se seleni e tausi ai le aiga aemaise lava mo le fanau i aoga,” o le saunoaga lea a Meausa.

“E to’atolu le aumatutua o lo’o aumau i atunuu mamao a’o le isi o’u afafine o lo’o aumau i Savaii.

“O lea ua matou omai i uta nei ina ia mafai ona maua ai se avanoa telē e fai ai le fa’atoaga ae o lea ua fa’aleagaina uma e le timu ma lologa.”

Sa ia fa’ailoa mai fo’i o ana fa’atoaga e fa’atau i le maketi ma e maua lava lana $100 i le aso pe a lelei lava le au  fa’atau.

Sa ia ta’ua le aogā tele o alavai i tagata e pei o ia e fo’ia ai le fa’afitauli lea o lo’o feagai ma ia.

O lesi fa’afitauli tele o le leai lea o se suavai ma se eletise aemaise lava I taimi fa’apenei.

“Mana’omia lava le suavai ma le eletise I le nofoaga o lo’o matou nonofo ai,” o lana saunoaga lea I le Fofoga o Samoa.

“E ese le faigofie o le soifuaga pe ana faapea ua i ai mea nei.

“Fa’afetai o lea ua timu ua maua ai se suavai e matou te fa’aaogaina ae pau lava lena o si ona pona ona ua fa’aleagaina uma ai meatoto o le fa’atoaga.

“Ua ala ona leai se vai ma se eletise ona o le le lava o le fa’asoa i le itu tau seleni e fa’atino ai nei mea uma.

“Mr. Meausa stated that the reason they still have not setup electricity and water in his house is because he does not have the money to carry out this task.

“Ua fai lava si taugata o le soifuaga ua tele ina le gafatia ai ona faatinoina nisi o mea I totonu o aiga.”

Mo e o lo’o fia fesoaosani i a Luafitu fa’afeso’ota’i le numera o le 7202552.

© Samoa Observer 2016

Developed by Samoa Observer in Apia