Fesoasoani se ulugali’i i se tamā e ala i se galuega

Tusia Deidre Tautua-Fanene ,

57 Hits

Setoa Kini.

Setoa Kini.

E auala eseese fa’amanuiaga a le Ali’i i le tagata pe afai e fa’amaoni.

O lea le talitonuga a Faualii Afono Ah Ken mai le afioaga o Vaitele Fou ma Fagalii.

Sa ta’ua e Ah Ken o lo’o i ai nisi o tatou tagata o lo’o mana’omia le fesoaosani ma e ao ia i tatou ona tu’u atu o tatou tauau e fesoaosoani i ai.

I le Aso 26 Ianuari 2018 sa faitau ai le faletua o Ah Ken i le nusipepa o le Samoa Observer lea sa alu atu ai le ata o Sauto’a Kini i le vaega o le Fofoga o Samoa, o lo’o fia maua se galuega e tausi ai lona aiga.

Sa mafai ona talia talosaga a Sauto’a i lea vaiaso ina ua fa’afeso’ota’i e le Ah Ken ma lona faletua ona ua maua sana galuega.

Sa ta’ua e Ah Ken o le vaiaso lona lua lenei o Sauto’a e galue ai mo laua.

“Ina ua va’ai atu lo’u to’alua i le ata o Sauto’a i luga o le nusipepa sa ia faimai ai e fa’afeso’ota’i lea taule’ale’a,” o le saunoaga lea a Ah Ken.

“Ina ua ma toe fo’i mai i Samoa nei sa viga lava le tinā o le aiga e mana’omia se tasi e fesoaosani i le matou fanua.

“O le tele o aso ou te sau ai i le fale ua pogisa.

“I le lua vaiaso na se’i mavae atu nei ma te le’i manana’o e vili atu outou ona sa ma va’ava’ai muamua i le ituaiga tagata e i ai Sauto’a.”

Sa ta’ua e le aiga o Ah Ken le loto fiafia i le galue a le tamā i a Sauto’a.

“O le ala lea ua toe feso’ota’i atu ai outou ona o lea ua fai le ma’ua fa’aiuga e ese le fa’amoemoeina o Sauto’a Kini.

“Ua fiafia lava si matou aiga ona o lea ua i ai Sauto’a i’inei e tapenaina le fanua ma i ai sesi la te to’alua i le matou fanua.

“Sa ese lava lagona i le taimi muamua ona sa tau fa’amasani i uiga o Sauto’a a lea ua lelei ma fiafia lo’u afafine ma si matou aiga ona ua matou talitonuina lenei tamā.

O lenei ulugali’i sa aumau i Niu Sila mo tausaga e 10 a lea ua toe fo’i mai.

“sa toe fai le fa’aiuga e toe fo’i mai i Samoa ona ua lebva tausaga o nonofo i atunuu mamao.

“O le maitau atu o le to’atele o tagat ao lo’o mana’omia ni galuega ma i luma o le silafaga a le Atua e leai se tagata e vale.

“O le ala lea e fa’afetai ai le Ofisa o le Samoa Observer ona o lenei polokalame manaia ua mafai ai ona maua fesoaosani mo nai isi aiga.

“O le mafuaaga na matou manana’o ai ia Sauto’a ona e nofo latalata mai i le matou fale.

“Ua fiafia ua mafai ona galue mo matou ae sili ai ona ua mafai ona ia fesoaosani i lona aiga tau atia’e.

“Ua mama uma le fanua leai se mea o fa’aletonu.

“Pau lava la’u galuega e fai o le fa’asino iai o le mea e fai ona alu lava lea o ia e fai.”

© Samoa Observer 2016

Developed by Samoa Observer in Apia