Ia manuia aiga

By Aruna Lolani 03 July 2017, 12:00AM

O le maua ai o le fa’atalatalanoaga a le Fofoga o Samoa ma le tamā i a Filiki Ta’ei o Talimatau ma Satupa’itea na ia fa’ailoa ai le tulaga taumafai pea mo le atina’eina o aiga aemaise lava i fanau.

O le taimi lenei ua 44 le matua o lona soifua ma o lo’o faigaluega nei o ia se tasi o pulega a le malo.

 “E mo le silafia ai e pei o a’u lava le tagata o lo’o fa’apea ona maua ai le tele o tupe o si o matou aiga, ma o lo’o taumafai lava ina ia atiae’ pea e o’o mai le taimi lenei.

 “O le tele o galuega o lo’o fa’atinoina nei, ia o le manatunatu lava ina ia ola lelei aiga aemaise o le aga’i atu ai le lumana’i.

 “Ia o lea lava le tulaga na ola mai ai lava, e pei o le mamafa lava o le tele o mea fai i totonu o aiga, o le taumafai lava e atia’e fanau.

 “A o’o la le taimi e alu ese mai ai galuega, e taumafai lava le taimi e fai ai mea’ai, aemaise le fa’amamaina le otaota pe a maua a la se taimi o le afiafi maea mai ai galuega.

 “Ia e pei o lea tonu lava le tulaga o lo’o o outou mauaina mai ai a’u ma a’u avega fafie.

O Filiki o ia o se tamti

 e to’atolu lana fanau, o le tasi o lo’o aoga i Vailoa ae o le isi to’alua o lo’o i le fale ona e laiti.

 “O si o’u atali’i o lo’o alu i le aoga.

 “Ia e pei o lea lava le tulaga le taimi lenei, ia o le totogi lava o pili o le fanau ia ma tausi lelei.

 “Aua o le tele lava o taimi ua le sologa lelei fo’i ona o le tele o le mau vaega ae o le talitonu lava i ai e mafaia ai mea uma lava.

“Ia ma taumafai lava  e fa’alagolago i le Atua, o le a sologa lelei ai mea uma lava.

By Aruna Lolani 03 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>