Tatala i le Asō e le Palemia le Fono a le Vaega mo Tagata Tafafao Mai Fafo
Ripotia e Ilia L. Likou
Fa’aliliu e Maiava
O le aso e tatala ai e le Ali’i Palemia, Tuila’epa Sa’ilele Malielegaoi, le fono a le Vaega mo Tagata Maimoa mai Fafo a Samoa, i le Maota o Tui Atua Tupua Tamasese ‘Efi i Sogi.
O le fonotaga fa’aleTausaga lea a le Vaega mo Tagata Maimoa mai Fafo, ma o lo’o tu’ufa’atasia ma tapenaina e le Pulega o Tagata Maimoa mai Fafo. O le autu o le fono i lenei tausaga, o le “’Ausia o Tulaga Maualuga.”
O lea fonotaga o lo’o fuafua ina ia maua ai e le ‘AufaiPisinisi faletalimalo ma isi ‘au’aunaga mo tagata maimoa mai fafo, se malamalama ma le tomai i fa’afitauli ogaoga e atina’e atili ai tulaga tau-tagata maimoa i Samoa nei, le itulagi ma le lalolagi aoao.
O nisi o vaega o le a fa’amanuiaina ai i latou o le a ‘auai i lenei fa’amoemoe, e aofia ai:
• Le saofaga ai i feso’ota’iga tauInitaneti ma tagata ua atamamai fa’apitoa i lenei alamanuia
• Avanoa e atina’e ai pisinisi
• Si’itia le malamalama i tulaga tau maketi ma le fa’aleleia o le alamanuia tauTurisi.
O le a sausaunoa i le fonotaga lenei, nisi ua tele lo latou tomai ma le silafia i tulaga tauTagata Tafafao mai fafo.