Fa’atau atu le Vailima i Amerika

By Ilia L Likou 09 March 2018, 12:00AM

O se afiafi na fa’atumulia e le to’atele o pa’aga masani a le kamupani a le Vailima i le Orator  le Aso Lulu na se’i mavae atu nei.

E le gata i lea ae o le mafai ai foi ona auai o sui a le kapeneta ma nisi o malo fa’aaloalogia i lea afiafi.

O le afioga i le Alii Palemia na saunoa e fa’afetaia lea fa’amoemoe taua ua mafai ona ausia e le kamupani malosi o le Vailima.

“O le afiafi lenei o le afiafi ua  tatou fiafia e sami lea taeao fou lea ua tatala ai faitotoa mo isi maketi e fa’atau ai le pia a Samoa o le Vailima,” O lana saunoaga lea.

“O se pia o le fea lava e omai mai ai tagata mai fafo tofo le pia a Samoa ma fa’apea e leo maua ni pia fa’apea i Samoa nei e sili atu nai lo pia i fafo.

Sa ia fa’ailoa e tele lava se sao o le kamupani a le Vailima i le tele o tausaga ameaise o le fa’ailogaina ai o le 40 o lana auaunaga i lenei tausaga.

“O le tulaga lea ua i ai le pia o metotia uma lava faa siamani lea gaosi ai le pia, o le tausgaa e 1975 na ma o ai ma Faasootauloa e saini le feagaiga mo le kamupani.

Na ia fa’ailoa o se tasi lea atina’e a le malo ma na ia saunoa e taua le galulue fa’atasi ina ia ausia matati’a lelei aua le aga’i atu ai le lumanai. 

I le fegaatauaiga o oloa e pau lea o auala e ola ai, o le mea lea e tatou te i ai pea le tatala maketi i fafo.

O le lua o vaega o lo’o silasila ai le malo o le tele ai o avanoa faigaluega aemaise o lafoga maua aua le atina’eina o le atunuu.

By Ilia L Likou 09 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>