Taualuga le Fono fa’aPalemene i se afiafi o fiafiaga

By Maiava 09 April 2016, 12:00AM

O le afiafi o le Aso Tofi, na taualuga ai le Fono Lona 4 a Tama’ita’i-Faipule o le Pasefika na faia i aso e tolu, i se fiafia tele sa faia i le faletalimalo o le Tanoa Tusitala.

E silia i le 60 faipule-tama’ita’i mai Palemene ‘ese’ese o le Itulagi sa ‘auai i lea Fonotaga na faia mai i Samoa nei, lea na matua vivi’i e Munokoa Poto, o se faipule-tama’ita’i mai Niu Sila ma fa’apea, o le Fono aupito lelei tapena ma silisili ona aoga, ua ‘auai ai. 

“O se fono ua aupito to’atele sui-faipule tama’ita’i na ‘auai ai, ma atonu ona o le to’atele o matou, sa manana’o e o’o mai i Samoa e fa’amanatu fa’atasi ma le latou faiga-palota talu ai, ae maise la, le mataina o fa’ai’uga ma fuafuaga le-tumau ma tapenaga fa’apitoa na ‘ausia ai,” o lana fa’aaliga lea.  

 “Ua matou fa’amanatuina fo’i i Samoa nei, a latou fuafuaga fa’apitoa, lea ua fa’aopopoina ai le aofa’i o sui-faipule tama’ita’i, i le sefulu pasene.

“Ua toe fa’aopopo fo’i ma isi ‘ai-fa’apitoa mo Samoa, ma o se mea ua matou matua fiafia ai tele, le avea o se tama’ita’i e fai ma sui-palemia.” 

Na fa’amalosia lava e isi tama’ita’i isi sui-tama’ita’i a’o aga atu e sa’ili fofo mo nisi o fa’afitauli ogaoga o feagai ma latou i o latou atunu’u.  Lea ua mae’a le fono, ua lafoa’i fo’i faiga-fa’aPolokiki ma talanoaga fa’aFaipule, ae tutu-fa’atasi loa nai mafine e sasae-le-mata- o le-aitu ma fa’ailoa fo’i aga fa’aAitu mai atunu’u ‘ese’ese o le Pasefika i lea afiafi fiafia.

By Maiava 09 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>