Suiga i tupulaga talavou

By Nefertiti Matatia 09 November 2017, 12:00AM

O so’o se alo lava o Samoa e fanau ma soifua ifo i o tatou laufanua ua ia te ia le lagona o le ave o lana faamuamua i lona aiga aemaise lana aganuu.

O le tina ia Taulafo Simeona ua amata ona ia vaaia suiga tele i olaga o fanau laiti ma ua manatu ai ua tatau ona toe faafoi soifua o tagata i le faatuaina o le Aganuu faapea ai ma Talitonuga faale-kerisiano.

“E lagona lē fiafia ona o le vaaia o fanau ua leai se faaaloalo i tagata matutua. O fanau i le nei vaitaimi ua leai se faaaloalo i o latou matua. Ua manatu ifo lava i latou ua sa’o i latou ma o le ala lea ua tele ai faafitauli i tootnu o Aiga.”

“Ou te talitonu afai ae le faaaloalo fanau i Matua e atagia mai ai o Matua e paū iai le mamafa aua e le’o faatinoina le tiute o i tatou matua.”

Sa faailoa foi e lea tina i le Fofoga o Samoa o le tele o fanau i lenei vaitaimi ua tua i le taumafa ava malosi  i le Aso Sā e fai lea ma fofo i le tele o faafitauli ae ua leai se agai atu i le Lotu i le Aso Sā.

O le tina ia Taulafo e toatolu ona alo. Lea foi sa ia taua e faapea o le isi suiga tele o le olaga o loo i fanau i le taimi nei e mafua mai i auaunaga faatekenalosi faanei ona po.

Ma ua faaaoga ia auaunaga eseese e lamatia ai le soifua. Ma o le tele lava o nei faaletonu o loo faaaogaina ai telefoni aemaise ua fiafia tele le fanau i e matamata i le TV. O le tele lava o fanau ua fiafia e faatino gaioiga o ia ata ma le faaleoina o manu eseese sei tulou o loo omai mai ata.

O le fautuaga a le tina ia Taulafo Simeona 54 tausaga le soifua e ao i matua ona mataituina lelei gaioiga ma nofoaga o loo agai iai le fanau ina ia faasoa iai ma faamanatu i le fanau le tatou aganuu fa’asamoa ma ia manatua o loo alofa le tama oi le lagi ia te ia.

By Nefertiti Matatia 09 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>