Ala o manuia mo e ua le amana’ia

10 April 2016, 12:00AM

O James Macie o ia o se tamaititi na fanau mai i fafo atu o le li’o o le fa’aipoipoga, na avea lea tulaga ma lu’itau tele ia te ia ma ua le mafai ai ona avea o ia ma se tasi e i  totonu o le palemene e ui o lona tama o se tasi o ali’i sili o Northumberland, ma e o’o lava fo’i i tulagā-tofi o lona tama- sa le mafai lava ona ia ‘ausia.

Sa taumafai lona tinā ae peita’i -e le’i mafai lava ona fai i ai se faiga ina ia talia aloaia ai James i vaega uma e pei ona ta’ua i muamua i luga.

I le ma’ea laititi ai ona fa’au’u mai o ia mai se tasi o Kolisi e igoa i a Pembroke sa amata ai loa ona aga’i lona mafaufau i mataupu fa’a-saienisi, na fa’ai’uina ma le manuia ana taumafaiga uma ma lauiloa ai o ia i le tele o le mau tusitusiga fa’asaienisi na lomia i lea vaitau.   

Sa le’i mafai ona ia fa’aipoipo ona sa i ai lona mafaufau o le mea lea na o’o ia te ia -o le a fa’apea foi ona o’o i ni ona suli pe a fa’ananau mai i latou. Ina ua maliu o ia i le 1829 sa avea o ia ma se tasi sa iloga lona tula’i ma fa’amanuia i mea uma tau le soifuaga nei, ma sa avea o ia ma tagata mauoa.

I le ma’ea ai o lona soifua, o tupe uma sa i a  te ia na ia fautuaina le faatuina ai lea o se vaega tau aoaoga mo le aoaoina ai o le ola ma le soifuaga o tagata soifua. O lona igoa na ia toe fa’aigoaina ai o ia o Smithson.

E o’o mai i le taimi lenei o se tasi lea Fale Mata’aga tele o lo’o ua i ai le taimi lenei lea ua fa’aigoaina i a Smithsonian Institution.

O le le amanaia ai o ia o se vaega lea na liliu ai i le fa’atinoina ai o se vaega e sili atu. Aua le manatu ua le amanaina lou tagata ma avea ai ma mafuaga ua leai se fa’amoemoe mo oe ma lou olaga.

Ia mautinoa e le fa’afitia oe e le Alii Fa’aola o Iesu, o lo’o i ai ana fa’amanuiaga ua uma ona ia saunoa mo lo tatou ola…

Mafaufau Tasi Lava

10 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>