O le auro e le moni i Rio

By Deidre Fanene 10 August 2016, 12:00AM

O sauniga faamanatu uiga ese o le mea na ta’ua o le pine auro muamua lea a Samoa i le Olimepeka na liua i le faanoanoa ma le ita ananafi.

O lea sauniga faamanatu na soso’o ai ma se tala faa-foliga na faasoa mai luga o faasalalauga lautele a nusipepa e nisi o faalapotopotoga tau nusipepa e uiga i le alii siisii u’amea mamafa o Vaipava Nevo Ioane-na manumalo i le pine auro muamua a Samoa i le sailiga o le fusi a le vaega o le 62 kilokalama.

O lea tala sa vave ona salalau atu i totonu o Samoa. E o’o lava if ale uaealesi o le atunuu na latou faia lea faasalalauga. 

Ae pei ona tula’i mai, o lea tala o se tala tau faasese. Sa i luga o le website e igoa o le  www.rio2016olympicswiki.com.

Ae ui o lea- o lea lipoti na aveeseina mai se taumafaiga uiga ese a Ioane o ia lea na faamae’aina le tauvaga i le tulaga 8. .. I lana talanoa mai Rio, fai mai le Faia’oga o Tuaopepe Jerry Wallwork sa fiafia o ia i taumafaiga a Ioane.

“E uiga ese le taumafaiga a Nevo ae na misi i se tulaga itiiti lana taumafaiga mulimuli lea semanu e siitia ai lona tulaga i luga,” o le faaaliga lea a Tuaopepe. “Ae ui o lea, ua ‘ou matua fiafia lava i la’u tama si’isi’i ona sa matua galue mamafa i le lua tausaga talu ai ma ua tatau ai ona ia maua le faatinoga. 

“O le tane si’isi’imuamua lava lenei mai Samoa ua faatulaga i le 10 pito i luga o Taaloga a le Olimepeka e ese mai tamaitai lea na tulaga 4 Ele Opeloge i Beijing ma le tula 6 i Lonetona. O se amataga uiga ese a le tatou ‘au i totonu o Rio 2016, 

O le isi tagata Samoa o loo i luga o le fola tau le siisii u’amea mamafa o Mary Opeloge lea ua faatulaga e tauva i le Aso Faraile. 

O Mary i le tasi itu ua matua manu’a lona tuli tauagavale,” o lana faaaliga lea. “O se manu’a lea i le amataga o lenei tausaga ae ua faatetele le leaga i le faagasologa o koleniga i le Aso Faraile talu ai.  

“(Ma) i le taimi nei ua uma ona tuuina atu ia te ia se togafitiga e alii fomai popoto iinei i Rio-ae faamoemoe ia o’o atu i le Aso Faraile ua malosi le tamaitai e tauva. “Ona pau lena o tala mo le taimi nei mai Rio. Faafetai mo le tapuaiga ma talosaga mo le tatou ‘au.”

By Deidre Fanene 10 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>