Fa’amuamua le aoga

By Ilia L Likou 10 October 2017, 12:00AM

O le ola fesoasoani ai i aiga o se itu taua tele lea.

O lea le talitonuga o Jireh Lam Sam i le Fofoga o Samoa.

“Ia e leai lava ni feau e faia i le taimi lenei, e pau le tulaga o le faia lava o nai feau laiti aua le fesoasoani ai aiga i lenei vaitau.

“O lea fo’i ua malolo mai galuega o le aso ia o le itu taua lava o le maua ai lea o le avanoa e fesoasoani ai aiga.

Na ia fa’ailoa o le taimi lelei lava e alu ai e fai feau.

“Ia o le tala sa’o lava e tele lava na tuua mai ua afiafi ia e leai se isi o matou e mafai ona toe alu i lena taimi e alu e fai feau.

“O se itu taua lava o le taumafai lava ia fa’aaoga tatau le aso.

E maua atu i le Fofoga o Samoa o ia i le aso ananafi o lo’o ia aga’i atu mo le fa’atinoina o feau ma galuega o le aso.

“O le itu mautinoa lava lea i lo’u iloa i ai, e pau le tulaga o le taumafai lava i le tulaga e lelei ma ou te iloa lava a to’aga e fai feau ia e manuia lava.

“O le taimi lenei ia o lo’o taumafai lava e fai lelei la’u aoga aua a i’u ma le manuia ia o lea lava le tulaga e mafai ona o’o atu ai.

“I a te a’u lava ia e leai se mea e faigata pe a loto i ai, ia ma va’ai alofa lelei i aiga, aua e pei o aiga lava le fa’apogai o mea lelei uma.

Na ia ta’ua le taua o le to’aga lelei i le aoga.

“Ia aua a matua a maua le poto ia o lea lava le tulaga o le a fesoasoani tele mo a’u lava ia, aua e le ola ai pea ma matua.

“E pei o lea lava le taumafai ai lavaia i’u ma le manuia a’oa’oga ia ma alofa lelei i matua e manuia ai o so’o se taumafaiga e fa’atinoina aua le lumana’i manuia o lo’u nei tagata fa’atauva’a.

By Ilia L Likou 10 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>