Ia galulue fa’atasi

By Ilia L. Likou 11 February 2017, 12:00AM

Na fa’ailoa e le tinā i a Pepe  Su’a i le Fofoga o Samoa ile aso ananafi nisi o popolega o lo’o ua feagai nei ma lo latou aiga i  Fugalei.

‘Ia e pei ona outou tau mai, e le’i leva ona fa’auma atu le galuega ma se tasi o le  fanau i le taumafai lea e tau kilia le auala laupapa o lo’o ua i ai nei.

“E lagona lava le fa’anoanoanoa ona o le tulaga e pei ona ua maitauina i le so’ona lafoa’i mai lea o le lapisi i lenei vaega o le atunu’u.

“O se itu o lo’o ua ou iloa lava e a’u ia, ia e taua ai le galuluefa’atasi mo le lelei alu i luma o le to’atele olo’o ua alala i vaega maualalalo nei.

Na ia ta’ua  o le tele o lapisi o lo’o tafe mai vaitafe o lo’o ua i ai fo’i ma le tulaga le manuia olo’o ua maitauina.

‘Ia o le tele o taimi ,ia ua matou maitauina le tatafe tele o le vai ae ua lafoa’i mai ai ma ta’ifau mamate.

“E mo le silafia ai, e lagona lava le fa’anoanoa ona o le leai o se galulue fa’atasi ma le va’ai alofa mai o tagata i le tulaga e pei ona ua i ai nei.

“O se itu i lo’u iloa i ai, a galulue fa’atasi ia e leai lava se itu e fa’apopoleina ai, ae pei e maitau atu ua matua’i leai lava se tulaga lelei ua i ai lenei taimi.

“Ia o le isi tulaga olo’o ua fai ma fa’afitauli ia ua fai lava si maualalo o le auala laupapa ua pei e sau le lapisi ma apilitia ia ona le mafai ai lea ona alu le vai i tai.

“Ae pei o lea ua maitauina le to’atele o tagata ua amata ona o’o mai i uta nei ma nonofo ai fo’i.

“Ia o nisi lava o taimi ua sau le manogi le manaia, ia ona taumafai lava lea kilia ese le lapisi ia ma vaega nei  e pei ona ta’ua muamua.

“I a te a’u ia, ia ua leaga lava nei aso, o se itu le manaia tele ia o le taumafai atu lava e galulue ae pei e le ano mai le to’atele i galuega olo’o ua taumafai atu ai.

“Aemaise ai o a’u e fai si a’u fanau e pei o lea le itu e malosi ai lava le tu atu le taimi lenei.

By Ilia L. Likou 11 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>