Ia atia’e lelei aiga - Sanele

By Aruna Lolani 03 July 2017, 12:00AM

O le maua ai o le fa’atalatalanoaga ma Sanele Timai o Faleula o Saleimoa na ia fa’ailoa le fiafia tele ua mafai ona maua e lo latou aiga le eletise.

“Ia e mo le silafia ai e lima lelei lava tausaga o nonofo si o matou aiga e aunoa ma se eletise.

 “E pei e pau lava le tulaga e mafai ai ona matou maua se malamalama o le moli kalasini, e pei o lea lava le tulaga sa mafai ona maua ai se malamalama mai le lima tausaga talu ai.

Na ia taua na tele lava fa’afitauli sa feagai ai.

 “O le taimi lenei e to’alua la’u fanau o lo’o faigaluega ma o lo’o fesoasoani tele i le tele o le mau vaega o lo’o fa’amoemoe ai si o matou aiga.

“O se fiafiaga tele lea i a te a’u ona o le tali mai o fanau.

 “O le taimi lenei e to’atolu la’u fanau teine ma o lo’o a’o’oga uma lava.

 “Ia o lo’o va’ava’ai atu lava ma le agaga fa’afetai i le Atua ona o nisi o vaega ua ausia e si a’u fanau i a’oa’oga ma o le agaga fiafia tele lea i  a te a’u.

 “Ia e pei o lea lava le taumafaiga a nai fanau, ia lea ua ola ai le eletise, ma o mea lava e mafai ona fai, ia o le fa’atalitali lava i le taimi sa’o.

 “E pei o nei vaega uma e aoga tele mo le aiga aemaise lava le atina’eina o fanau aua so latou lumana’i manuia.

Na ia ta’ua o le taimi lenei o le taumafai lava aua se lelei alu i luma o so’o se vaega o le atunu’u.

“E pei o lea lava le tulaga o lo’o taumafai ai lava ina ia una’ia fanau, aua a lelei atu lava le taimi lenei lo latou silafia e fa’atino so’o se vaega, e le taumate fo’i le agai atu ai le lumana’i.

“O se itu fa’afetai tele lea i lo’u iloa i ai, ona o lea sao taua ua mafai ona fa’atinoina.

By Aruna Lolani 03 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>