Fautuaina e se tama-matua le tupulaga
Tele le suiga o lenei olaga pe a faatusatusa atu i aso ua mavae i auga-tupulaga o le atunuu lenei ua iai. Ua le fia faalogo i se upu se tasi a matua ma ua tele ai le faatamala.
Mo le tama ia Fomai Matale, 60-tausaga le matua mai le afioaga o Falelauniu. O lana lea faamamafa mo tupulaga talavou
“E pele ia te au lo’u aiga ma e ui lava e leai sa’u fanau ae taumafai lava ina ia aoaoina nisi o fanau a uso ma tuafafine ina ia mausali lo latou ola mo le lumanai” o lana tala lea i le Fofoga o Samoa
“O la’u galuega masani lava i aso uma o le faamamaina lea o le faatoaga ma le tausiaina o se tasi o tuafafine matua o lo’o matou nonofo
“Ua tele lava suiga o Samoa i lenei vaitau pe a faatusa atu i aso ua mavae sa taugofie mea uma ma sa le faigata foi
“Ao nei aso ua saoasaoa ma taugata e pei doi o le tau o le soifuaga ua iai nei le maualuga ma le taugata
“Fa’i o tupulaga ua le fiasaili manuia ua fai lava lona loto ma pule lava ia e fesiligia ai foi le aia tatau a matua po o fea o iai
Ua malamalama lelei Fomai i le taugata o le soifuaga ua iai nei pe a faatusa atu i lo latou vaitaimi
“I aso la na maua mea uma ma le taugofie ae o aso nei ua tupe uma mea uma o le olaga
“A oo foi lava i faalavelave faale-aiga ua taugata lava ae o lea foi e totogi pili o moli ma le suavai i masina uma
“A le galue malosi lava le tagata ia mo lona aiga, e le maua se mea lelei aua o le olaga nei ua faia lava i luga o lou galue malosi
“O lo’o fesoasoani mai foi nisi o aiga i meaai ma mea fai ae out e galue lava i le faatoaga mo le ola a ii aso uma
O le mau a le tama tele luitau i lenei vaitau o le soifuaga
“E taua ai le aoaoina lelei ai o fanau aua a matutua e iloa lelei le mea e tatau ona fai o le aoga lena o matua
“Tele faafitauli ua tutupu ae a galue lava mo le manuia o aiga o le measili lea ma le taua
“E le tatau foi ona tatou faiio aua o mea ua masani ai o tatou tagata
“Pau le tulaga e faafetai ai o lea e maua faatoaga ma faatoaga fualaau aina e faatau aua se tupe maua mo aiga
“Ma ia tatou lava ia aua tatou te faitio ae ia galue lava le tagata ia mo lona aiga ma lona lumanai manuia