Alu i ai Manu Samoa!

By Faaliliu e Seagaitumua Tupuola 11 June 2016, 12:00AM

O le galuega fita ua mae’a ona fai. Ua toe o ni nai itula ona taufetuli atu lea o le Manu Samoa i luga o le Apia Park mo le latou taaloga muamua faava-o-malo o le taamilosaga e faasaga ia Georgia i le asŏ, o le fe’au mai le aufaigaluega o faia’oga e faigofie lava.

O lea tulaga o lo tatou taumafai lea ia mautinoa e faapea ua tuu atu o latou mafaufau i le latou galuega,” o le faaaliga lea a le Faia’oga o Namulauulu Alama Ieremia i le Weekend Observer. “Ona o se ‘au talavou, ou te iloa e mafai ona lua ala o lagona mo tama taalo lakapi talavou.

“E taua ona tatou maua se siosiomaga e mafai ai ona una’ia tama taalo ina ia tausisia lo latou tulaga ma ia faifai malie. Ua uma ona latou faia tapenaga, ae o le mea moni e manaomia o le loto talitonu e faapea latou te manaomia ona malamalama lelei, ma le faamoemoe o le a tatou vaaia lea tulaga i le asŏ.”

Na avatu e le Faia’oga o Namulauulu ana tama taaalo  e uia lo latou malamalama mulimuli tau tapenaga i le faagasologa o le faatamo’ega a le Kapeteni ananafi. E foliga mai sa tulaga lelei tama taalo ae a o’o mai le taimi o le taaloga i lenei aoauli, o le taimi lea ua faamoemoe o le a matua tumu saisai ai le Apia Park, fai mai Namulauulu o le a sauni tama taalo e o atu i le malae. 

“O Tapenaga ua uma ona fai, o upu ma tala ua uma ona fai; ma o le taimi lenei mo le gaoioiga. Ua matua fiafia tama ma ua ‘ou fiafia foi ona o i latou. Ua outou iloa ua o’o mai le taimi ma o lea ua tatou i luga o le faatinoga o la tatou fe’au. O le mea lea-e tatau ai ai ona tatou faia ia mautinoa-ua tatou faia le galuega.”

O le Aso Tofi, na tofi ai e Namulauulu se ‘au e matua fou lava, ma faatinoina le mea ua ta’ua so’o o le ‘vaitau fou’ mo le Manu Samoa. 

E to’aiva tama taalo fou o loo i totonu o le 23 e taaalo. Ua matua mitamita lava tama ina ua avea ma sui o le atunuu ma o latou aiga,” o le faaaliga lea a le Faia’oga.  Ua matua faamalosia o latou lagona ina ua auai iinei ma koleni i luma o tagata tapua’i ae o lenei o le a tino lava ona taaalo i luma o i latou.  

Ou te manatu o se faaaloalo maoa’e lea mo i latou, ma o la’u galuega o le fai lea ia mautinoa e faapea o lo latou manatua i taimi uma lea tulaga. 

“Ma o le itu e sili ona taua e faapea ua tuuina atu o latou mafaufau atoa i le latou galuega.  E anoano tagata o loo faalagolago ia i latou ma ua outou iloa o le tulaga masani lava lena. “A mo i latou, ae o le itu e sili ona taua o le ‘au, o le faatinoina o le latou galuega ma o latou tiute fai i luga o le malae e matua taua tele.

Afai latou te faatino le latou galuega,o lona uiga o le ala lena e toe taui atu ai tagata o loo tapua’ia i latou. Ou te fiafia i taimi uma e sau i lo’u atunuu, ma taalo i totonu o nei tagata tapua’i, e tele lona taua i le toatele o i tatou. O le mea lea-ioe, ou te faamoemoe mo se taaloga uiga ese mai a tatou tama mo le ‘au-tapua’i.”

A tilotilo ia Georgia, sa le faatagaina e le Faiaoga o Namulauulu le leai o ni faamatalaga e uiga i lo latou fili ma le suiga o a latou tapenaga.

 “Tatou te matua faaaloalogia i latou,” o lana faaaliga lea. O le itu muamua ma le itu e sili ona taua, e tatau ona outou faaaloalogia le itu tete’e.  O se ‘au e lelei tele ma e poto masani, e lelei ona aoaoina ma e mafai ona e vaaia e ala i le faiga o a latou koleniga. Ua ia i latou se ‘au e malosi lana aga-ma o lea ua tatou feagai ai ma se galuega fita o le taumafai e talepe latou i lalo.

 “Ae peitai e tatau ona tatou maua le loto taliton ia tatou tapenaga aua ona pau lea o mea e mafai ona tatou pulea i le taimi nei ma ia mautinoa tatou te faaaloalo ia i latou ae ‘aua tou te fefefe ia i latou i luga o le malae. E tatau ona tatou mautinoa o loo faatino le tatou galuega.

“E faapefea ona tatou manumalo i lenei taaloga ma faia’ina i le asŏ?  “O le itu i luma sa tumau pea ona fai ma faafitauli talu ona faatoa amata le taloga,” o le faaaliga lea a Namulauulu.

 “Ua outou iloa e tatau ona outou maua se ituaiga tutusa i vaega faapitoa, aemaise ai lava i totonu o atumotu e faapea o le maua o le poto o le mea taua lea ma e taua tele lena tulaga. “O lea taaloga o le a avea ma taua mata’utia i le laina i  luma ma o lo matou taumafai ia mautinoa e faapea o avanoa tatou te maua , e matua faamae’a lelei.

E le ono toatele nisi latou te lauiliuina le ituaiga o taaloga o le a tulai mai.” E amata lea taaloga i le itula e 3:30 i le aoauli

By Faaliliu e Seagaitumua Tupuola 11 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>